DAGITI DUDON KEN ARABAS ITI KABAKIRAN KEN TANTANAP ITI SANTA NARCISA

DAGITI DUDON KEN ARABAS ITI KABARIKARAN KEN TANTANAP ITI SANTA NARCISA


DISIEMBRE 8, 2009


Dagiti dudon a mangpugipog kadagiti raep ken mula
iti talon ken kabakiran, aduda
a mangkaan kadagiti punnuot agraman ramut
dagiti mula ti nangyuna iti kabakiran

kunada siguro a nakapanawen ti agmulmula
ken ti agbambantay, isu a nalaus ti gagar
dagiti rapas a ngipenda a mangpugipog
dagiti nagsantakan ti pakasaritaan

kunada siguro nga awanen ti apo lakay
a nakaigpil iti tangguyob iti katengngaan ti tanap
nga awan sardayna nga agmulmula kadagiti
adu a pagapitan ti bin-i ken nabun-as a similia

nakalinia dagiti pangen ti dudon a salagasag
ti bitukada a kasta unay a sileng
ammoda met ti agarab iti uggot, uray puon
ken punnuot ngem dida ammo ti kaipapanan
ti kankanenda a bulong, uggot rangaw wenno ramut

aduda iti pagaraban, ngem kawaw ti uloda
dagiti limmampa a matada
arog pay dagiti dadduma ta saanda amin
a taga away ti Santa Narcisa.

kayatdan a pugipogen ti marka ti pakasaritaan ti tanap
ken daytoy a bakir a namungayan dagiti pulikkaaw
ken palabras [wenno arasaas] ti panawen dagiti panagbangon
ken panagmumula kadagiti natukantukad a kinelleng
kas iti murumor a pagay, wenno palakay a tarong
a naisaganaan iti pakalatkat dagiti kattungbol a saringit
a nagim-imasanda nga inigup ti diro ti uyokan
iti nagtagisam-it a patiray-ok ken pakamakam
a pammadayaw.

iddependa ti kunada ti simged a beggang ken rayray
ti puor a pinarnuay ti atong kas ti temtem dagiti mabangonan
iti nalamiis a parbangon, iti tibong ti armas ni saraan
a nangarado ti isek a nakaiwarisan ti irik ti namnama

kunada pay ketdin nga awanen da angkuan ken poldo
a nangimuntar ti batonlagip ti saraan
dayta sidiran ti sagat iti sagpat ti talon
dagiti aggiinum iti sardam ken malem

padasenda ti mangkutkot ti ubbog
iti tikag a barukong dagiti nakatungnganga
a pasurot a dudon, ngem ania ti makunnotda aya,
iti tangkig a sinilong a pagkalianda iti gamayenda
a pitak a maaramid a pagsarban dagiti kunada
a mawaw, ket nakarkaro met a kawaw
ti natikagan a tanap, ti ungot ken sareb
ti bangkira ti kinapalangguad

maarab man amin a bulong, sanga, uggot ken rangaw
ngem ti pakasaritaan ti Santa Narcisa ken saanen
a mabaliwan a maisurat.
Naisurat idin, kas iti laapida nga igpil ni Moses
iti Sinai; maymaysa ti Moses.
Maymaysa ti sang-atan ti Sinai
agtayab man dagiti dudon ngem ti bitukada
agsalagasag iti kinnanda

kas ken ni arabas, nga agkaradap iti man kapitakan
wenno kabingkolan, bugawento latta dagiti
mangisakit iti pinagayan ken kabakiran
ket ti tibong ti bakkuko ni saraan
agallangog iti let-ang iti kabakiran ken katanapan
ti Santa Narcisa.


[Naisurat ita a Dis 11, 2009 kalpasan ti maysa a samiweng kabayatan a tartaripatuek ti banana patchko iti likud ti balay. Nagyakarak ngamin iti sumagmamano a sulbod ti saba, ken nagmulaak iti siit ken kamoteng lanut]

MANGTEDKA TI BAGAS, DELATA A MAKAN KEN DADDUMA PAY

MANGTEDKA ITI BAGAS, DELATA A MAKAN KEN PANILPO TI BIAG ITI INALDAW


MANGTEDKA, MAMARAMANKA, PAKANEM DAGITI MABISIN NO SIKA TI ADDAAN ITI MAIPARABUR

Aganay a 595 a libra [287 kilos] iti nagtitipon a duapulo a sinupot a bagas, linata a Libbys Vienna Sausage, ken adu a sabsabali a delata ti indonar ti DWCLCAAH ita a Domingo, Nobiembre 22, 2009 nga indauluan da Jesse Pascual, Amado Yoro, Fe Velasco, ken dadduma nga opisial.

Naiplano idi Hulio 2009 daytoy a mission day nga agurnong iti donasion. Nobiembre 2009 iti umuna a barsada, ken Abril 2010 iti maikadua a barsada.

NI MISTRO MULO KEN SIAK ITI 4TH NAKEM CONFERENCE NOBIEMBRE 11-14, 2009 UHM

NI MISTRO MULO KEN SIAK ITI HAWAII 4TH NAKEM CONFERENCE NOBIEMBRE 11-14, 2009, UNIVERSITY OF HAWAII MANOA


Ita a malem ti Nobiembre 11, 2009, iti Arts Building iti University of Hawaii, Manoa, nagkitakami manen ken no Mistro Mulo . [Romulo Gomez Basuel] gapu ta maysa manen kadagiti presentors wenno panelists iti 4th Nakem Conference a maangay ditoy Honolulu.

Manen, kunak ta ngamin, immay manen idi 1st Nakem Conference idi Nobiembre 2006, nairana kadagiti historikal a selebrasion ti sentenario dagiti Filipino. Maysaak kadagiti nagsarita daydi a 1st Conference, a kas met la ita a 4th ta binasak ti MANGMANGGED, maysa kadagiti ginasuten a daniwko. Naipablaak daytoy a daniw iti Bannawag, Pluma: Siit ken Rosas.

Sigud nga am-ammok ni Mistro Mulo. 4th year high school [1965-1966] ti nangrugian ti panagam-ammomi. Eksaminasion ti Pre-Military Training[PMT] [wenno CAT itan] 98 ti scoreko idinto a 97 kenkuana.

Idi agresulta, babaen ti desision da Maestro Ben Yaba, Maestro Laureano Agdeppa, Principal Salvador Anunciacion a nangbukel ti Hunta ti PMT, Saan la kano nga score examination ti nagbatayanda ngem mairaman iti 'katayag'. 5'2" kaniak, 5'7" ken ni Mulo.

Isu ti nagbalin a Battalion Commander idinto a siak ti Battalion Adjutant. No diak mariro, buklen ti Battalionmi kadaydi a tawen 1966 iti 5 Company ABCDE ket 3 a platoon ti sakupen ti maysa a company. Captain ti designation ti Company Commander idinto a 2nd Lt ti platoon commander
No saan nga agkibaltang ti memoriak aganay a 350 a lallaki manipud iti Sophomore, Junior ken Senior [2nd year, 3rd year ken 4th year].

Divine Word College of Laoag, Laoag City simrekanmi iti kolehio. Nasingedkami unay kas agkailian. Maymaysa ti bangami. No tarong ken marunggay ti adda, okey laeng. No rabong ken saluyot, okey latta met. No mailaw-an a sumangpet ti alawans, adda met igatang iti bangus ken balangeg. Nayon a kabanga ken katayabmi da Orlino Agdeppa, Elmer Ilmeng, diak malagipen ti dadduma. Napagasatankami a nagturpos iti kolehio. Double Bachelor iti AB-Liberal Arts, ken BSE ti inleppasna iti 1970. BSE-History kaniak, 1970. Daydi Senador Raul Manglapus, tubo ti Tagudin, Ilocos Sur ti Guest Speaker daydi a Baccalaureate Ceremonies idi Abril 1970.

Nagpa-Hawaiiak idi Hulio 30, 1971. Diak nalipatan ti ili ken ti Sinait National High School a nagturposak. Nadamagko laengen a maysa a faculty staff ni Mulo. Maysan nga adviser iti the Hillside Echo, warnakan ti eskuela a segun ti damagko, Tagalog, English laeng ti maaramat iti naguneg nga artikulo.

Gapu ta ammok ti panagayatna iti Ilokano Literature ken iti panagsuratan, insingasingko ti pannakairaman koma ti Ilokano section, ket maisurat ti daniw, ababa a sarita, salaysay ken damag. Kas pammabileg ti publikasion ken insitibo dagiti agsurat iti Iloko, inesponsorak ti "Journalism Award" babaen ti bassit a gatad ti kuarta. Naaramid a kasta, kas bungana, adda dagiti "nabukitkitan a siniglotan a talent ken sirib" dagiti agtutubo.

Tapno dakdakkel ti masakupan ken mabalin a maaranud iti Journalism Award, binaliwak ti naganna a kas "DAKILANG UGAT AWARD", saan laengen a dagiti agbasbasa iti Sinait National High School ti mabalin a makisalip, ketdi mairaman dagiti maibilang nga agdadamo a mannurat nga agindeg kadagiti sabali nga ili, probinsia. Napasamak a kasta aglalo a rimmang-ay ti Dakilang Ugat Award gapu ta ni Mulo idin ti presidente ti Gumil Sinait.

Maysa pay la ni Mulo a gagangay a classroom teacher/class adviser idi agbakasionak idi Hunio 1982 kas co-chairman iti Miss Gumil Hawaii Contest Committee ken agdamaak a bise presidente ti Gumil Hawaii, a kaduak da Mrs. Pacita Saludes a presidente ti Gumil Hawaii. Kinuyogmi ti grupo ni Maria Lina Pascua a kas Miss Gumil Hawaii.

Nakallalagip daydi a resepsion ti Municipal Government ken dagiti amin a kameng iti Association of Barangay Captains iti maikadua a kadsaaran iti Municipal building. Anian a rikna ti immapay ti kaunggak iti mabasak ti nakabaskag a dakkel a banner iti arko iti sango ti munisipio, kuna ti bando: Welcome Honorable Amado Yoro, Prisident, Oahu Filipino Community Council and Mrs. Pacita Saludes, Gumil Hawaii President, and Miss Maria Lina Pascua, Gumil Hawaii Queen.
[Sakbayna, sinangailinakami met ni Santa Maria Mayor Brillantes ken kakaduana idi 2nd floor iti Santa Maria Municipal Building. Nagdaguskami nga immuna iti Ilocos Sur Agricultural College, Santa Maria, sakbay a nagpa-Sinaitkami a mangituloy iti naisagana nga itineraries. Dakkel ti panagyamanmi ken ni Maestra Nenita Diga ken kakaduana iti ISAC. Sinangailinakami pay ti Gumil Abra]

Principal II ti rangkona [pasaray agakem a principal] idi nagbakasionak idi 1996 ken 1997. Daydi Mayo 1997 ti maysa a nakallalagip a panagkitami [manen]. Gapu ta siak idi ti Chairman iti Sinait Alumni Homecoming, nga isu met ti nangisangpetanmi iti aganay a 500 nga alumni [ken esposa/esposoda] a naggapu iti Hawaii, California, Canada, timmakder pay ti dutdotko iti makasalibukag a lagip idi siak ti nadutokan a mangipangato ti red, white and blue, the Philippine Flag, a kaduak ni mistro Eleazer Lived, iti imatang dagiti padak nga alumni, balikbayan, dagiti kakailiak, dagiti empleado ken turayen ti gobierno munisipal ken dagiti empleado iti eskuelaan.

Nakitak ti napasayaaten a plasa, ti dati a kataltalonan wenno patag iti baba ti pasdek a dati a nagpulpulikkaawak iti 'Battttttaaallllion" iti nagtakderak iti pangrangkisen, sa agmartsaak nga iggemko ti 'nagasat' a cadet saber of authority, no mapanak iti puon ti linia ti Company A.....
ket isilpok pay nga ipulikkaaw: Attteeeention. Present armmmmm.

Agsubliakto iti dati a nagtakderak, sanguek ti Battalion Commander [Romulo Basuel], unnatek ti kanawan a takiagko nga iggemna ti sable. Kunakto: Sir, All Accounted. Isungbatna met babaen iti sablena.

DAYTOY MISTRO MULO ita a nakadennak manen, nangaton ti nagaw-atna iti tay-ak ti edukasion. Nalpasnan ti Master degreena, ket no naawatak a nasayaat ti sinaona, tegteggedenna ti pananggun-odna iti Ph.D. Awanen iti Sinait National High School kas Principal II, wenno acting principal sagpaminsan. "Nupay addaak itan iti Central Office iti Vigan City, diak maliwayan ti mapan idiay Sinait. Kitkitaek a rumangpay koma daydi Gumil Sinait. Ammok nga addan nabuangay a New Sinait Writers Association ket sapay koma ta agballigikami a mangpasayaat para iti panagsuratan"

Sakbay nga intulodko iti tarusna a balay ti nasinged nga am-ammona iti Awamoku, Waipahu, Hawaii, nagkalugankami iti KIA Sedona a luganko kalpasan ti 4th Nakem Conference opening ita a Nobiembre 11, 2009, maysaak ngamin a nagibasa iti daniw.

Intarusko pay la ni Mulo iti balay ti maysa a kailianmi, dagiti Sarte family iti Waipahu, ta agur-uray dagiti dadduma nga estudiante idi iti high School idiay Sinait.

Naragsak manen daydi a panagsasarak.

Agaraup 11:45 ti agtengngan ti rabii ti Martes, idi itulodko ni Mulo. Maysa kadagiti kameng wenno presentors iti Panel 6: Reading and Re-Reading of Ilokano Text.

Iti biang iti DepEd Ilocos Sur, kadua ni Romulo Basuel da Estrella Soria, Salome Abero, Elsie Rigunan, ti topiko: Reviving the Ilokano Zarzuela.

[Note: Itoy a komperensia, naigasatak pay a naam-ammo iti personal ni Cristina Gallardo Gallato, first prize winner iti ETTI 1987 iti saritana a "Fr. Mike Comptroller",

Siguden nga am-ammok da Andres Malinnag, Jr. Ruperto Manuel, Alegria Visaya.

Diak maisurat amin ditoy dagiti adda iti listaan iti programa ta aduda met.]

=====000000=====

TI IMPOSTOR KEN TI CYBERWORLD NOBIEMBRE 3, 2009

TI IMPOSTOR KEN TI CYBERWORLD NOBIEMBRE 3, 2009 MARTES

Hacker kunada iti mangkallong naguneg iti computer
Kurimaong, mutit, mannanakaw
Birkog ken mannibrong
Sakbayna, alas dose y media idi naudi
nga entryk kadagiti activities
iti diary ken journal
idi rikpak ti computer sakbay
a naturogak iti parbangon iti Nobiembre 3

Nagriingak iti nasapa nga alas kuatro iti parbangon
gagangayko a luktan kas kaugaliakon
anian, aya, saankon a maluktan
ngem adda ballaag a kunana: you are hacked
pinadasko latta a luktan ta magagaranak
kunana met: temporarily closed, try again.

pulos a saankon a naluktan,
iti sabali a bangir, addan agawag kaniak
iti telepono, pudno aya nga addaka iti UK
saan, isungbatko, isu met ti agpayso
ta addaak laeng ditoy balay nga agaw-awair
iti apokok a CJ Boy.

Kuna ni Ka Maria, dandanik paibusonen ti kuarta
kasapulan ti agdawdawat $1500.00 kunana
via Western Union, iturong kano iti UK
ta ti impostor Amado napukawna ti petakana

Saan a siak daydiay impatalgedko
No kasta ngarud addan nagaramat ti naganko
agdawdawat pay met ngarud ti doliar kadakayo
Saanyo a patgan, saanyo a denggen, ignorenyo
mannanakaw daydiay, aysusmariakusep apo.

Simmaruno ti awag ni Kaka Estrella Pada
asino kano ti pangituronganna iti kuarta
saan a pudno, bay-anyo dayta
mannibrong ken agbibisina dayta

Inawagan ken binagaak dagiti kakadua
Pinadasko ti nanglukat baro nga email ken passwordko
Imbagak nga addaak ditoy Ewa a taengko
Awanak idiay UK kas naguneg ti peke a surat.

Naladawen idi maammuan ni Gayyem Inso
Nakaipatulodakon iti $1596.00 gayyemko
Sayang ta pinatik ti imbagbagana kaniak
iti sinnukat nga emailmi
Impostor met gayam, ti nakti diablo

Adu pay dagiti nagaw-awag kaniak a dandanida nairubo
makaallukoy ken maasianda kano ti rigatko
Piman ni Real Amado kas man la kakaasi
ngem ammo ni Apo Dios, saanak a napan iti UK.

Inreportko iti Western Union Customer Union ti pagtengko
Impasadak iti Fraud Dept tapno ibagak ti napasamak
Imbagada met a yamangko iti law enforcement no kayatko
adda pay nangibaga a suktak ti email ken passwordko.

Agpayso a sinuktak ti email, password
ti siddaawko lattan, iti sumagmamano nga oras, dua wenno tallo
tukmaan manen ti manglimlimo, awanen dagiti sinuratko !

Us-usigek iti panunotko: kasano daytoy a kalokuan ti tao
agsimsimad lattan kadagiti sinuratko
adda agkuna, adda spyware iti uneg ti computerko
panagkutik, panagpanunotko, sursurotenna
estilo, ammona tapno mausarna a panglimlimo
agdawdawat latta ti kuarta
kadagiti kontakko.

Kunak ditoy appo a makabasa, dakayo a kontakko iti email
annadanyo dayta nga impostor.
Saan a kastoy a wagas a dumawat iti tulong

Mabisin unayen dayta nga impostor.
ania ngata ti riknana a mangan, uminum
manggasto iti saanna a nagbannogan
dagiti adda kadagiti imana a pirak
bin-ig a sinikapan ken tinakawan

ania ngata ti raman ti taraonna ita
ania ngata ti bussog ita a namitakel
ania ti tig-abna, kasano ngato ti raman
ti taraon a nagna iti karabukobna
kasano ngata nga inawat ti bitukana
kasano ngata nga inimasna
ania ngata ti grasia ti kinnanna
itoy a tinakawan, itoy a sinikapan

Ut-utobek ita: de pamilia ngata daytoy a mannibrong?
pakanenna ngata ti pamiliana kadagitoy a sinikbong
adda ngata asawa ken annak daytoy a kurimaong
namak pay ketdin a bussogda a namintakel a gunggong.

Yanna ti konsensia daytoy sikap mutit nga impostor
Yanna ti talna ti kararua daytoy a manglimlimo
Idawdawatko a maamirisna koma ti biddutna
a saan a naimbag dagiti ar-aramidenna
amangan no mapuoran ti kararuana
iti pagtutuokan dagiti killokillo ti aramidna


Saanyo a patien, saan a patien ti manglimlimo a pakaasina
Toy impostor: manangggundaway, napno ti kinatiri
napno iti kinarugit a panunot ken aramid
Saanyo a denggen. SAAN A SIAK DAYTA AGDAWDAWAT
TI DOLIAR. AWANAK IDIAY UK.



iti sum

NaFFAA CONFERENCE: FILIPINOS IN MOTION

NaFFAA Conference: Filipinos in Motion

Naangay ti komperensia ti NaFFAA
wenno National Federation of Filipino American Assocations
The Voice of Filipino Americans for Unity
and Empowerment


Sumagmamano a lawmakers ti immatendar
pakairamanan da Senador Robert Bunda, i-San Nicolas, IN
dati a senador Ron Menor, i-San Nicolas, IN,
ken isu ti agdama a Region 12 Chairman
adda met ni Vice Speaker of the House
Rep Michael Magaoay, i-Sinait, IS [inana]
ken i-Bacarra, IN, [amana]
Rep Henry Aquino, i-Santa ken Narvacan
adda pay ni Senador Clarence Nishihara
ken Rep. Jon Riki Karamatsu

Adda lider komunidad a pakairamanan
da Carlota Ader, bise presidente ti UFCH
Lynne Gutierrez, sekretaria, UFCH
dati a presidente ti UFCH Jake Manegdeg ken Maggie Domingo
Danny Villaruz, presidente iti OFCC ken ISAH

Mangidadaulo ti NaFFAA da Amy Agbayani, Charlene Cuaresma
Agnes Malate, Helena Manzano,

Leslie Cabingabang, Nicolita Garces, Susan Maglaya
Rouel Velasco, dadduma pay

Sangaili a naggaput Maui da Vince Bagoyo
Elizabeth Ayson

agarup limapulo a tao

Nabangon ti NaFFAA idi 1997.


[addanto nayonna]

DWCL 2ND REUNION VENUE VERDICT IS REACHED THE ORLEANS MAY 22, 2010

VERDICT IS REACHED

What a relief to have a "good news"
per Reunion chairperson Fe relayed to me
The Orleans Hotel & Casino says OK
to the May 22, 2010 adjusted date
the DWCL 2nd Reunion venue
outside Hawaii.

To please Araceli's suggestion to move date
from May 15 to later date
the masters took the consideration
as most teachers be election workers
May 11, 2010

BANNAWAG DIAMOND TREE ITI IKUB TI KONSULADA HENERAL SABADO NOBIEMBRE 7, 2009

BANNAWAG DIAMOND TREE IKUB KONSULADA HENERAL SABADO


Nakitak manen ti banyan iti arubayan
Konsulada Heneral ita nga aldaw ti Sabado
Nobiembre 7, 2009

Apagisun a dua a bulan daydi
historikal a petsa Setiembre 7 a panagmula
kameng ken opisial ti Gumil Oahu
ken Gumil Filipinas

Nagluniten ti daga; nadalepdepen iti sirok-lawlaw
punona ti Banyan tree a naimula
simbolo ti biag ken pannakigasanggasat
iti ganggannaet a daga
pakalaglagipan ti diamond jubilee
ti Bannawag, biblia ni Ilokano ken iti Kailokuan

nabuldagen ti berde a bulong
iti sanga, iti rangaw
iti itatan-aw makita bun-as
bulbulong a no labsen naisemda
a kumablaaw ken pumayapay
iti silnag ti init, ti rayray ti aldaw
kasla kunkuna ti Banyan: dumakkelak met
a kas iti mangga ken narra
ikarigatak a gaw-aten ti langit
sarabuek ti linnaaw, agkak ti tudo
uray dagiti arbis a babasit ken tarakitik
iti panagtinnag iti daga
adtoy a mangibandera nagan
ti Literatura Ilokana
adukayo a nakaiggem iti pluma ti ayat
ti pluma ti panagserbi, pluma iti kustomre
ti pluma a sibibiag a tradision
agadukayo met koma ta kitaendakto
iti sabali pay a dekada,,,,wenno siglo
ti ayat ken kultura

KONSIERTO ITI AGMATUON KONSULADA HENERAL NOB 7, 2009 SABADO

KONSIERTO ITI AGMATUON KONSULADA HENERAL NOBIEMBRE 7, 2009 SABADO


Para iti naimpusuan a gapu
ti konsierto ita a Sabado
Nobiembre 7, 2009
Konsulada Heneral


Inangay ti gagayyem ti komunidad a Filipino
dinanggayan ti anep konsulada heneral
dagiti kankanta, naipataybda iti entablado
dagiti nataengan, agtutubo a kumakanta
kameng dagiti tallo a grupo ti banda
kaaduan kadakuada ti local born
kadaraan annak dagiti naggapu iti pagilian

lider, kameng ti komunidad addada a naarisgar
adda pay konsul, senador ken dadduma pay

nairupaak da Eddie Agas iti UFCH
Danny Villaruz iti OFCC/ISAH
Konsul Heneral Jun Cardenas kimmablaaw
iti tallaong iti naimbag nga aldaw.

Nakanta dagiti narambak ken narugso a kansion
Saan met a nailinged ti Iliw a kanta
inam-ammok ti nagkanta- Liliak manong
kinunana, siak ni Amado, putarko ti lirika
dayta iliw a kanta

adtoy ti konsierto ti agmatuon
nayon ti tulong kadagiti biktima da Ondoy
ken Pepeng dagiti maurnong a donasion

dayta ti puso ti ayat; ayat iti puso
pannangted ken pannulong
kadagiti nabiktima iti layus ken bagyo
dagitoy ti dawel, ti siplag
ken damsak tudo ken angin
tangatang a nagmanto iti kinaalingget
ti agin-indurog a batibat ti biag.


[Naisurat ita a Nob 7, 2009 kabayatan ti konsierto
iti Konsulada Heneral]


a

DANIW: SENNAAY KEN PANNAKAPAAY

DANIW: SENNAAY KEN PANNAKAPAAY

daytoy ti sennaay ti parbangon
ti maysa a salamangka ti biag
iti nagpatnag natnag manen ti namnama
ta ti naisurat a draft ti artikulo
a panangyawat gunggona dagiti napadayawan
salip ti green revolution impempenko pay
iti draft section ti kompiuterko
da Joe ken Art iti kategoria ti backyard
idinto a Beth, Nora ken Emelita ti ornamental

ni Tony Ipalari ti chairman, kaduana da
Amado, Al, Gus, Rogelio, Ador, Philip
kameng ti hurado da Davelyn, Rosebella ken Angelita
panggepko a papintasen sakbay nga itedko
iti publikasion a pagsuratak
siddaawko diak mailadawan...
awanen ti artikulo a nasangal
awan nagyan ti draft section ti computer
siddaawko diak latta maawatan
ket naglawag a naikabil met
ket itayen bumangon ken sarungkar
itay alas kuarto ti parbangon
awanen ti artikulo, awanen
diak latta matukod a panunoten
immobra manen tay kurimaong
ti bisinna met ngatan piman
kasta unayen, anian a pannakadismaya !


[Nobiembre 7, 2009, 4:51am]

TI DANIW NAGPUKAW KAS ASUK WENNO LINNAAW

TI DANIW[DRAFT] NAGPUKAW KAS ASUK WENNO LINNAAW

daytoy ti daniw
ti daniw adtoy
ti ayat ken daniw
ti daniw ken ayat
ti parbangon ken panagbukar
kalpasan ti rabii
adtoy ti init ti agsapa
nga ibabangon
napukaw ti daniw
ti daniw nagpukaw
kas asuk wenno linnaaw
awanen ti daniw
iti lakasa nakaut manen
ti sala a sawaw
ti manna nakaw



[daytoy daniw isu ti draft form ti winners ti ISAH Green Revolution a nayawat idi Nob 3, 2009 ISAH Board meeting iti SWCC]

MOMENT OF DISCRETION AND DECISION NOV 6, 2009 DWCL 2ND REUNION

TIME TO SET A VERDICT OF THE DWCL 2ND REUNION

More heads are always better than one or two
Meeting of the mind is here we must do
Jesse, Fe, Larry and Amado
sit down together at Fe's house
For more serious talk about reunion venue
Orleans or Excalibur for May 15, 2010

For some consideration and accommodation of few
suggestion gathering must to move to late date
as others may able to come

May 22, 2010 as agreed by the four masters
Fe must contact Orleans should May 22, 2010 still okay
if not, back to Excalibur to ask May 22, 2010 also.
Should Excalibur said no, then, back to Orleans
May 15, 2010 as original date

Amado will inform Araceli about the May 22, 2010
just for accommodation of them from Norte
all potentials must have to obtain visa before
Philippine elections, ready to fly
to attend May 22, 2010

Fe will call Orleans, Jesse to explain to Ricana
why Excalibur contract was not in their favor
strict as they are, requirements are hard to meet

Two Lydias are in favor of the change of date
as they want to give chance to Philippine delegates
hoping some of them can come
join the reunion and 2oth anniversary of the DWCLCAAH

Hope for the best: think positive of number of attendance
Hope for the best, try to convince others to come
Fun and felicitation: happy anniversary
and reunion, smile and joy
see you soon - we are all enjoy !


[Written this 10:20pm riday night Nov 6, 2009 after the meeting held at Fe house]

BIERNES SAIS DE NOBIEMBRE 2009

KUNADA A TGIF
ti Biernes
Thanks God Its Friday
kunak met
thanks God I'm filipino

Kastoy ti riknak ita a Biernes
Napukawan ti adu a banag
gapu iti sanselmo a nagtakaw ti nagan

maikawaak man ta diak latta maluktan
dati nga emailko, adu a banag ti nagyan

awanen dagiti nobela,
awanen dagiti sarita
nakallongen dagiti sarindaniw
dagiti bukanegan

anian aya ni sanselmo
tinakawna pay dagiti daniwko
kadaksan dagiti personal nga impormasionko
maadalna a pudno dagiti estilo
usarenna nga agdawat iti doliar

ania ketdin ngamin aya ti UK
pambarna a napukawan ti kuarta
kasano nga addaak sadiay
ket addaak ditoy balay ti Ewa
agaw-awir iti apokok a CJ boy
dua a tawen ken walo a bulan

talaga a salawasaw ti sanselmo
awan pusona iti padana a tao
aramidna latta ti manglokloko
ala ket tiemponanto met no matiklo.



biernes sais de nobiembre ita
talaga lattan a diak maluktan
da dakilangugat nga emailko

agngangabit met ti amado91344
nanglukatak met ti barbaro
ngem pagammuan awan manen
daytoy a sanselmo immobra manen

SANSELMO DOS

Gapu itoy a sanselmo a di am-ammo a tao
no sadino a lugar ti ayanna a disso
saggaysaenna a pagdawatan dagiti am-ammo
toy pudno a tao - isu toy kabsatyo

Tallo, uppat, lima, sangapulon dagiti immawag
kayatda a penken no siak ti pudno nga adda iti UK
napukawko kano ti petakak - awan kuartakon
kunana kano, ti ket laingna a mangumbinsar
awan a pulos ti panagduaduak, sika latta
ti ammok, gayyem kuna ni Inso

Adu ti makaulaw, adu ti mannanakaw
binagaakon dagiti am-ammok
tapno saanda a mailawlaw-an
namak payen no makumbinsirna pay ti ad-adu
bumsog la ketdi ti bolsana agraman tian
namak pay ngarud met no maispalan
agtulakak iti rawetna iti saanna a nagbannogan

Ania daytoy a kita ti negosio
amkek man amangan ta usarenna toy
nagan, iti man krimen ken kalaglagan
namak pay apo, kunak man
saan nga ammo no ania ti pagbanagan

Panangyaw-awan ti Sanselmo a Saan nga Am-ammo

Pannubok wenno panangyaw-awan.
Nobiembre tres dinak pinakawan
ti manglimlimo a nagtakaw iti nagan
agdadawat iti doliar ta kunana a napukawan
petakana kaaddana iti layasan
ti kunada a Unitek Kingdom.

Salawasaw daytoy a mannibrong
awan la ti inna pagtakawan uray ibbong
nakaam-amak daytoy a kapadasan
mairaman amin dagiti adu a kadaraan.

inlaw-annan ni gayyem Inso
napanen ti nasurok a sangaribu
sakuntipna unay toy gayyemko
iti nalabes nga asina kuartana inna impadigo

ania ketdin aya daytoy a mangkakallong
no arigen nakarkaro pay ngem mutit ken kurimaong
Impostor a pudno iti panangallokoyna iti tao
dandani pay met nailaw-an da ka Maria ken Ka pedro
maasianda kano ngamin iti pakpakaasi ti sanselmo

[naiurat ita a tengnga ti rabii iti Huebes Nobiembre 5, 2009]