PACQUIAO VS BRADLEY DECISION IS UNFAIR

PACQUIAO WON BY NUMBER OF PUNCHES = I just got home now at about 9pm from a friend's house watching Pacquiao's fight. Arnold Jose from Bacsil, Laoag City was with us The fight was disappointing - bias judges counting from the number punches, pacquiao won. He won all the rounds except Round 9.

BEN CAYETANO PARA MAYOR ITI HONOOLULU

BEN CAYETANO, PARA MAYOR ITI HONOLULU Agsubli Tapno Ti Balligina A Gobernador iti Hawaii Isagutna iti Siudad ti Honolulu kas Mayor Ni Amado I. Yoro “Tapno ituloyko ti serbisiok, agtarayak a mayor iti Honolulu gapu iti panangipategko iti umili ken sanguek a tamingen ti dakkel a paggastuan mainaig iti pannakapasayaat ken pannakamantenar ti Honolulu’s sewer and water system”. Mapneken iti biagna a kas retirado iti serbisio publiko kas naballigian a gobernador iti Hawaii iti walo a tawen 1994 - 2002. Isu ti umuna a Filipino a nagpaay iti kangatuan a saad iti turay. Nasalun-at latta ti tawenna a 72 Dua ti kangrunaan a makasango ni Cayetano iti kinamayor. Pabor dagiti dua iti rail transit idinto a kontra ni Cayetano. ASINO NI BENJAMIN JEROME CAYETANO? Nayanak ken dimmakkel iti Kalihi. Anak ti sakada a tubo iti Urdaneta, Pangasinan. Nasapa a naasawaan ken ama iti tawenna a 19 apaman a nagturpos iti Farrington High School. Saanna a sinamir ti nagtrabaho iti nadumaduma a kita ti panggedan a menial. Patienna ti pateg ti adal ti tulbek ti nasayaat a gundaway. Graduado iti University College of Los Angeles ken kinaabogado iti Loyola University Law School iti bukodna a panangisakad kas working student. Bigbigen ni Cayetano a maysa a Filipino. Iti biangna iti serbisio publiko, pagserbianna amin. Dakkel a pagsadaganna dagiti kadaraan – nga isuda met la idi ti nangitandudo ken nangidur-as ti kandidaturana kadagiti napalabas. TALDIAP TI BIAG NI BEN CAYETANO KAS POLITIKO Tinarabay ti naimbag a gasat, saan pay a naabak nanipud idi timmapog iti politika idi nasapa a 70’s. Dinutokan ni naggobernador John A. Burns a nangimaton iti Hawaii Housing Authority idi 1972. Namindua a nagdiputado iti distrito iti Pearl City. Namindua a nagsenador. Nabileg a komite pakaibilangan ti Ways and Means ken ti Majority Policy Committees ti indauluanna. Ginun-odna ti nasayaat a reputasion iti kinaindependentena, honesty ken effectiveness. Pinili ti Honolulu Star Bulletin a KANGRUNAAN A LEHISLADOR iti nagsasaruno nga uppat a tawen. Kas Tiniente Gobernador, ibilangna a gapuananna ti reporma ti edukasion, pannakaipakat ti nasayasayaat a pannagna ti eleksion kas iti Wikiwiki ken absentee program. After School Plus [A+] program, ti programa a mangsungbat ti parikut dagiti nagannak iti panagaywan ti annakda kalpasan ti oras ti eskuela, dadduma pay. APAY IBOTOS NI BEN CAYETANO A MAYOR? Once A Leader Always A Leader. Addaan ni Cayetano iti napaneknekanen a liderato ken kualipikasion. Kapangel ti krisis ti ekonomia iti Hawaii ti umuna a karit a sinangona a kas gobernador. Impakatna ti ammona iti economic recovery plan babaen ti tulong dagiti adda iti negosio, iti tay-ak iti trabaho ken dagiti lider ti lehislatura. Adu ti simmupiat iti kasupangal a grupo ngem saan a tubeng, saan a nagkitakit a nangipakat kadagiti patienna a makatulong a mangsolbar ti parikut ti estado. Inlungalongna iti pannakaibaba ti buis. Pannakaibaba ti kadakkel ti gobierno ti estado iti nababbaba ngem iti inflation rate. Pannakabukel ti Hawaii Tourism Authority. Pannakaimplementar ti reporma ti serbisio sibil. Nabukel ti rekord dagiti bilang ti eskuela publika. Pannakabangon ti Hawaii Convention Center tapno maguyugoy iti irarang-ay ti turismo. Pannakairugi ti Hawaii State Arts Museum. Pannakairugi a mabangon ti baro a John A. Burns School of Medicine and Research Center iti University of Hawaii. Parupa man ken likudan ti kampaniana, suportado dagiti nadumaduma a puli ken lider a mamati iti kabaelanna a mangimaton DAGITI PAMMIGBIG KEN PAMMADAYAW A NAITED KENKUANA A KAS NASUBOK A LIDER Immawaten iti pammadayaw. The UCLA Medal, the university’s highest honor, for his “remarkable record of public service.” Distinguished Leadership Award from UCLA’s John E. Anderson Graduate School of Management. Award for Ethics in Government from the Hawaii Chapter of the American Society of Public Administration. Award for leadership and contributions to government from the Harvard University Foundation for Intercultural and Race Relations. NAPATEG NGA IMPORMASION MAIPAPAN ITI ELEKSION 50% KEN SIKA Masapul ti panangabak ni Cayetano itoy eleksion primaria no Agosto 11, 2012 wenno iti eleksion heneral no Nobiembre 6, 2012. Maigunamgunam ti panagrehistro dagiti US citizen tapno makabotosda. Maikalikagum nga agbotos dagiti rehistradon a botante. Ited ti panawen nga agbotos. Mabalin ti absentee voting sakbay ti kaaldawan ti Agosto 11. Mabalin ti agaplikar iti balota para iti absentee voting mangurgi iti Hunio 12 para iti eleksion primaria ket masapul a maawat ti City County Clerk iti saan a naladladaw ngem Agosto 4. No mapagasatan ni Cayetano itoy nga eleksion isunto ti umuna a Filipino a mayor daytoy a siudad ti Honolulu.

MY PERSONAL JOURNAL AND MY VOLUNTEER ACTIVITIES

MY PERSONAL JOURNAL AND MY VOLUNTEER ACTIVITIES =====June 4, 2012 Monday ------Joined the Cayetano Sign Waving Group at the Honokai Hale......with Eddie Agas, Mar Apuya, Charlie Ramos, Larry Salviejo, Larry Bustamante, Marrieta Bustamante, and 10 volunteers. Very positive responses with double thumbs up, totting horns and shaka signs......After the sign waving, had a little get together at Mar Apuya house, some pulotan and kilawen. ======

SARINDANIW NI AMADO YORO: DAGITI ALAS ITI PANAGBIROK ITI KINAASINO

SARINDANIW NI AMADO YORO DAGITI ALAS ITI PANAGBIROK ITI KINAASINO ALAS ITI PANAGDALIASAT PANAGBIROK NO ASINOAK SARINDANIW Sarindaniw Ni Amado I. Yoro (Kuna ni Juan S. P. Hidalgo, Jr. Bannawag iti Pugon Hunio 1975: “Ni Amado I. Yoro, I-Sinait, Ilocos Sur ngem agnaeden idiay Hawaii ti “Number One Poet-in-Residence idiay Hawaii iti agdama. No adda rumbeng a mabalangatan,isu ti rumbeng iti dayta a korona” Alpha Alas: Unnoy ti maysa a taraudi da Lam-ang ken Bucaneg (ti saringit a mangsursurot iti ramutna) (i) anansata nasnebanka iti gagar, Juan Tersero, ala wen, magnaka, imarisam ti tugot da amang ken inang; wenno da apong lakay ken apong baket nupay isuda dagiti ipapanaw isuda dagiti rangtay a bangonem a baliwan ti panagsubli…. (ii) denggem ti binatog, kastoy: iliw iti rawis iti riniwriw a balikas ti sarindaniw wenno ti binggas ti bukanegan, uray warwarek ti duogan a sariugma a mangtaldiap sudi daytoy a kultura ta adda saan a maumag a daeg balor-rimat daytoy kannawidan nga inawit da Apo Lakay ken Apo Baket… (iii) timudem ti kansion: kastoy sam-it-samtoy; isem iti agsapa ti init nga agkiraykiray, namnama a nasaranta wenno dagitoy sabong ti katawa ti busel dagiti bin-i iti parbangon wenno ared-ed ti sangit ti pimmusay a salidumay ti bantay … nabugas latta ti epiko iti pannakigasanggasat tapno sungrodan temtem pakasaritaan ti lakay nagtugaw iti ngarab ti tambak iti inaray a a bunubon ken iti isek iti uma, idiay Bessang nabaknang awitna a pakasaritaan ti kayumanggi a nagdappat iti laud ken daya… (iv) adda met dagiti nagpaabagatan, simmiasi a nagpaammianan dagiti dimmanon iti surong iti probinsia ken ballasiw… minirada ti agrimat a sileng balitok a nagling-etanda, iti man lira, riyal, drakma, doliar kasilpo daytoy ti biag dagiti maiplatito a killabban, ayaunayen aya a kettang iti panagsursorda iti lansangan iti di maimbirna a pagorasan dagiti panagbirok, aya, uray iti siping ket urnongen-ilalaenda, dagiti kiraosenda a sulnit ti biag, ti agtultuloy nga almusar ken panagbirok iti saangan iti saan a rumukma a pabelo a segdanda; urayenda met ti panaglupos ta miraenda sarming ti panagbalbaliw: metamorphosis… (v) alut-otem ti alud ti kalman ket maidasig ti maysa a biddut a nabalinam nga inatur iti napasnek a panagbabawi saankan a managparammag, nariingkan iti areng-eng dagiti nabati maasika, wen, maasika, ket tumalliawka sika met a naglangkapi ken nagtagipino ikkam met ti sensilio dayta man nakatapaya iti suli: awanan taeng, ne, kitaem man ket papanawendan iti suli iti eskinita, sullatanda ti aragaag iti airport namak pay, sadino manen aya ti papananna ti tao a nagbalkot ken nakatampong dimo kadi makita a saan pay a nagdigos wenno nagdiram-os la koma namles met ngem naggapu iti salvation army (vi) diak manen nakaturog idi rabii no sadino ti yan ti tuntuntonek alimbasagenak pay ketdin ta awan manen ti igatangko uray sangatasa la koma a kape (ngem adda ketdi igatangko iti diario ken magasin tapno diak malibtawan ti damagdario ken dagiti magustuak a piesa ken manuskrito) idi kakaisuna a nakaurnongak uray sensilio ken plata, inlimosko iti ubing iti lansangan, isakemak ti balay-kaasi ken ti simbaan inimasko koma ti pangngaldaw nupay inabraw ngem diak met malipatan ti rutayrutay nga ubing iti sidiran ti iskinita dagiti namureng a karenderia a ngilngilawen abus man pay ta labus ken buteg diak met pabasolen ti gimong ngem madamagko la iti unegko; dagiti nagannak ngay? Wenno ti gobierno ngata? Ah, ta uray sadino a langit Ti mabatogan ket adda dagiti Panagtawataw ken pannakaulila Nasaksakit t kitaen ti lakay iti nagkurosan Mabisin ti langana, abusta saan pay a nagdigos Iti kunak, di pay nakapukis, naraber a barbas Addanto latta panagbisin Iti labes iti kinalabon Adda saludsod a di pay nasungbatan Kaanonto ti kaadda ti talna? (vii) usisaem ti konsensia ket lukibem ti palimed ti libro, agpitpitik ti nadarisay a sursuro nga inindayon ti duayya ni ina iti riniwriw a burburtia ken pangngarig, ti pasimudaag ken panagparsua iti genesis, dagiti salmo ken kanta ni Solomon aginggana iti paltiing ti apokalipsis agtukengka, ala, agtamedka: igupem ti balsamo ab-abam ti kalis, dagiti nakantaan ken natanamitiman nga epistola ken ebanghelista iti panagdaliasat ken kalma… (viii) uray iti ruar ti metropolis a balay dagiti katawa, ray-aw da garampang ken dagiti hula dancers a kas met iti salimuot dagiti iskinita ken patakder a bunga ti sirib adda agtaktakder a kinamannurat uray iti baet ti daranudor ti makina ken lanitog dagiti tumakder a laem ti taeng adda met lua a tumrem iti liday-sawm; adda pauyo-pasidumri nga addaan iti sugsugno iti pluma a mangibisik itoy ti kunada a natayen a manuskrito iti tukkol a berso da Bucaneg ken Lam-ang ngem diak latta maawatan a bitayenda dagiti rimat ngamin dida matiliw ti mensahe a naibugas iti bellang ken ballatinaw dida mapagdilig ti gambang ken taep nupay adda latta pannakailanglangi: nawingiwingan kunada nga eppes ngem balitokda a nabalbalor ngem ammuem, nawadwadan ti langit uray iti daga nga us-usaten da juan apostol ken maria aglipay uray iti laksid iti pannakaumsi iti kinaganggannaet kukuamto latta ti bukodmo a kultura ken kannawidan, masarakamto ti ramut ti puon ti kinasika: dinto matay ti daniw ket ti sarindaniw addan ! Brabo Alas: Dagiti panagbirok iti kinaasino Uray an-annuem ti bumangon Wenno magna kadagiti parbangon Iti lansangan ti biag Adda latta arimbangaw a manglukag Iti letlet a siudad ken ti ili iti panagbirok…. Adda kinaliday iti mata ti agpalpalama Iti suli ti dalan iti baet iti aglingling-et Nga agmatuon, namak pay nga agkutkutimermer Ti sardam, adda pay saem iti aklilina Iti nadulpet a pagan-anay ken rutayrutay Mabisinda met iti bagas ti biag Iti kaasi ngem saan a panangay-ay Uray dagiti nalidem ken naragsak a balay Dagiti a-go-go wenno disco pub A mawaw iti linnaaw ti lasag Iti awanna naganna nga ayat… Adda latta dagiti daapandapan Iti lua ken tapok iti agmatuon iti panagbirok Iti kanto ken abenida Wenno dagiti nailet a karenderia Dagiti awanan taeng a pinadisi ti pamilia Wenno biniktima ti ebiksion ti turay (malagipko la ket ngarud ita dagiti intar ti atiddog a linia iti pasilio ti St Paul’s Church Chapel a yanko no kasdiay a serbisioan ni Fr. Randy) diak met malipatan a makatulongak met no mangidiayaak iti limos ken ur-or ti kaasi no mapankami iti shelter ti IHS* ken simbaan, uray iti bishop’s discretionary fund ket mangtedak met iti tulong kadagiti adu a fundraising campaign iti typhoon relief ken natural calamities, uray iti stewardship scholarship ken youth leadership development ken journalism and literary awards. Adda met latta pasidumri dagiti adda iti salinong Dagiti nabalor a pagtaengan Ta saan met latta a maliklikan ti susik Uray man ketdi iti panggedan Ket adda latta power struggle aglalo iti gimong Ta adda dagiti innartap ken pinnasindayaw Adda dagiti kuak, kuak, kuak, awan ti kuam Uray kad no murkat wenno ittip ken kilabban Makitam ita ti homeless agidda manen iti igid Ti dalan a nagkumot iti daan a warnakan Adda dagiti aginlinlinteg a kerrasenda ti duol Nga agpaay kadagiti homeless ken welfare Uray dagiti nasileng a pasilio ta agkaratikit Latta ti siping a maitinnag iti limosan Ta maymaysa ti kaipapanan ti presio ti biag Ti tumayok a presio iti agsuek nga ekonomia Ket ne, ala, agpipinnabasol dagiti politiko Iti laem ti konseho ken kongreso Agpipinnatudon met dagiti parabuya Sapulem ita ti balor ti doliar, Uray ti pateg ti lira, wenno rial ken dinar Iti arubayan ti estatua, ngem dinto latta agkir-in Uray iti sidiran ti nagling-i a torre ti pisa Uray iti igid ti karayn nilo ken iti puso ti riyahd Adda latta panaguray, ta dagiti panagtawataw Isuda met la ti guyod iti isusubli iti igid ti biag. *Institute of Human Services – balay dagiti naiwawa ken homeless people Kayaw Alas: Kinaasino met daytoy a panagbirok Wen, adda dagiti panagbirok Iti kinaasino, Ala, usisaem man ti riknam (adda dagiti kinapudno: matippay latta ti tinapay, matnag dagiti murkat) malmesak iti iliw iti segga iti ulimek (umel ngamin ket daytoy a komunikasion) kunak man no awanen dagiti sainnek naugotanen dagiti matak nga agur-uray kenak. Kayatko a denggen Ti uni dagiti kundidit Awanen ti saem Naukritan a barukong Imarisak daytoy a malem Iti lumnek nga init Iladawak ti sardam. Kasla agburayok ti essem Ken tarigagay Lumabas manen ti rabii Nga awan dagiti nabiag a darepdep Awanen ti banglo ti sabong Iti dama de noche Siak daytoy Iti linabag ti daniw Bay-am a mabukelak Iti dayyeng ken kansion Dagiti agaw-awir kadagiti simmangbay A saringit daytoy a kaputotan Suksukogek latta man ti pakabuklak Magnaak iti igid ti dalan Bareng no adda agur-uray a mangawat kaniak Iti kinasiak, ta dagiti salemsem ti sardam Ken nalnaawan a kaltaang Masapulko met ti imeng ti ayat. Ur-urayek tunggal darikmat ti panagkayabkayab Ti berde wenno puraw a kalapati Ngatuen dagiti sinilong, panawen man iti panagtalon Wenno panagani, ta dagiti apit ken binettek Ti biag, mailaemda iti sarusar, bugas ti biag Daytoy gupit ket dagiti kalapati Uray dagiti sallapingaw, urayekto manen Nga agampayagda, sadanto siaamo nga agdisso Iti abagak-abagam nakaammal iti sabong-kappia Ken binatog dagitoy a daniw-sarindaniw Ti kinaasinok maimaldit manen itoy a sarindaniw !

MY PERSONAL JOURNAL AND MY VOLUNTEER ACTIVITIES

====MY PERSONAL JOURNAL AND MY VOLUNTEER ACTIVITIES ===== JUNE 3, 2012 SUNDAY. Attended St. Paul's Church 1st mass with my wife. Attended 2nd mass, then, my wife and I attended the Bishop's Committee regular monthly meeting. Gloria is a member of the Bishop's Committee. Being Chairman of the Board of Advisers for St. Paul's Church, I am chairing the SPC 53rd anniversary celebration to be held on Sept 1, 2012 at Empress Restaurant. We have TWO [2] special guest from the Diocese today: Mr. Lot Lau and Ms Lisa de Long representing the Commission on Vibrant Community. In attendance clockwise from Rev. Albano, Dwayne B, treasurer, Eddie A, co-chair of the Board of Advisers and outgoing president of Laymens Org., Lita P, Junior Warden; Maribel D, BC member, Gloria Y, BC member, Irene V, BC member; Marcelo A, Bishop Warden; Noli B, incoming vice for Laymens Ors. Julie D, BC member' Lot Lau, guest; Lisa de Long, guest; Yolanda C, BC member; Carlos V, Incoming president of Laymens Org.; Nenita A, BC member; Fely M, BC member and president of Womens Org; Linda B, BC member and secretary; Amado Y, Chair, Board of Avisers and General Chair, 53rd Anniversary of SPC.

Saturday, June 2, 2012 PERSONAL JOURNAL

Saturday, June 2, 2012 MY PERSONAL JOURNAL AND MY VOLUNTEER ACTIVITIES -----MEETING WITH Annak Ti Sinait Iti Hawaii monthly board meeting: In attendance: clockwise from Antonio Ipalari, Jessie Ponce, Amado Yoro, Andy Sotelo, Rogelio Idica, Davelyn Quijano, Hermie Gaspar, Angelita Idica, Dolly Willing, Leonila Degala. Approved Longanisa/PNJ; and Bangus fundraising. Amado to order 50 boxes.

MY PERSONAL JOURNAL AND MY VOLUNTEER ACTIVITIES

MY PERSONAL JOURNAL AND MY VOLUNTEER ACTIVITIES JUNE 1, 2012 - FRIDAY ======Joined the Sign Waving group for Ron Menor Council District 9 Campaign at the Waipahu Triangle, with Atty Mar Apuya, John Garcia, other volunteers. After the waving, Apuya, Garcia and Danny Villaruz, canditate for House District 31, joined us at the Cup of Coffee Hour at McDonald-Waipahu. ===== We talked about campaign strategy and campaign attitude. Prediction: Ron Menor will survive in the primaries against his 3 opponents. Prediction: Danny Villaruz will survive in the primaries against his 2 women opponents [1 Pinay and 1 mixed Hawaiian Portuguese]

MY PERSONAL JOURNAL AND MY VOLUNTEER ACTIVITIES

MY PERSONAL JOURNAL AND MY VOLUNTEER ACTIVITIES As a member of the OFCC Convention Committee 2012, I attended OFCC Convention Committee meeting at the Philippine Consulate Social Hall.============== In attendance clockwise from Convention Chair Jake Manegdeg, director Jean Jeremiah, 1vp Fe Velasco, Membership Chair Gladys Menor, Conv Co-Chair William Cudal, Committee reports Coordinator Faye Cudal, Charlene Cuaresma, Jamie Felicitas, Program Chair Jun Abinsay, past president; Election Co-Chair Amado Yoro, past president; Election chair Danny Villaruz, chair, Council of Past President; Conv Co-Chair Larry Ramirez Convention Theme: Communication and Action with Integrity is Effective Leadership