KOMENTARIO MAIPAPAN ITI BENNEG NI ASSENG DAGITI PUMUSAY A MANNURAT

ABRIL 7, 2014 ======KOMENTARIO ITI BENNEG NI ASSENG=========4/7/14 Asino Dagiti Sumukat Kadakuada?===================== KAAW-AWATMI laeng ti text manipud kada Appo Eliseo B. Contillo, Dionisio S. Bulong ken Arthur P. Urata, Sr., a pimmusayen ni Apo Guillermo C. Concepcion gapu iti atake iti puso idi rabii (Abril 7). Iti patangan dagiti mannurat, particular dagiti kameng ti GUMIL Filipinas, nagkamengen iti GUMIL Langit.========================= Itay napan a lawas (Marso 26), pimmusay metten ni Apo Crisostomo M. Ilustre gapu iti sakit a kanser.======================= Ala, yat-atiddogtayo bassit ti agirekord. Idi napan nga Abril 2013, pimmusay met ni Apo Reynaldo A. Duque. Wenno, nagkamengen iti GUMIL Langit. ========================== Gagangay iti agpasina, makariknatayo iti leddaang. Ngem kas iti sangkakunada, kasta la ti biag. Adda umun-una, adda sumarsaruno.========================== Iti biangmi, medio ad-adda a nakadadanag. Gapu iti dakkel a giwang a pinanawan dagitoy tallo a malalaki a mannurat.============================= Umuna, ni Apo Guillermo C. Concepcion, iti lagipmi ken naimatmatanganmi ti kaudian a dumadaniw nga Ilokano. Ti kayatmi a sawen iti dumadaniw, isu ti panagdaniwna iti entablado nga awan ti kopiana. Masansan a ni Manong Immong (awag dagiti mannurat ken ni Apo Concepcion) ti mangdaniw iti Mutia ti GUMIL.===================== Maikadua, ni Apo Crisostomo M. Ilustre, ti mabigbig a maysa kadagiti kangrunaan a nangbibiag iti drama Ilokano iti radio. Maysa laeng ti “Doming-Doming Mabalin Amin” kadagiti gapuananna. Iti tay-ak ti ababa a sarita, mabigbig met isuna a maysa kadagiti manmano a mannurat nga Ilokano a makabael a makasurat iti makaparay-aw.===================== Maikatlo, ni Apo Reynaldo A. Duque ti maysa kadagiti kangrunaan a mannurat nga Ilokano saan laeng iti henerasionna no di pay iti amin a panawen. Piksionista, mannaniw, dramatista, kritiko, editor, parapatarus, patron. Nasurok a sangagasut a premio ti inyalatna manipud kadagiti agarup amin a pasalip iti panagsuratan iti pagilian.====================== Di ngarud pudno a nagdakkel a giwang ti napanawan dagitoy a mannurat? Ita, asino dagiti mannurat a mabalin nga ibaga a makabael a dumadaniw, makaabel iti drama iti radio a tagipatgen dagiti agdengdengngeg, ken agsurat kadagiti naisangsangayan a nobela, sarita, daniw ken dadduma pay? ==================== Manen, daytoy koma ti karit a nagimbag a sarangten dagiti mannurat nga Ilokano. Ket mabalin pay ketdi a tarabay kadagiti ub-ubbing a mannurat no ania ti kayatda a pakabigbigan kas mannurat nga Ilokano.============== Ken mabalin met ketdi a saan a sumukat wenno mangsukat. Ta mabalin nga awan ti makasukat kadakuada. Wenno iti maysa a tao.======================= Nagimbag no agtultuloy latta ti panagpatan-ay iti Kurditan Samtoy babaen kadagitoy ub-ubbing a mannurat nga iti masakbayan, mabigbigto met a kas kada Appo Concepcion, Ilustre ken Duque, ken kadagiti dadduma pay a mannurat nga Ilokano nga immun-unan a nagkameng iti GUMIL Langit.=================== Kabayatanna, regards dita GUMIL Langit, appo a mannurat! (AST, Abril 8, 2014) ================= Impaskil ni Asseng idi 5:44 PM Aniat makunam: ============== Maipanggep iti: Crisostomo M. Ilustre, Guillermo C. Concepcion, GUMIL Langit, reynaldo a. duque 2 comments: AMADO ILAR YOROApril 7, 2014 at 7:05 PM Nakas-ang, makapakebba, ken makapaladinigt no ti damag ket maipapan iti IPUPUSAY, masansan a kuna: panagawid, ti maysa a kabsat aglalo la unay no nasinged a pagayam wenno am-ammotayo iti ikub ti maysa a komunidad wenno gimong a panagpapada a pagduyosantayo. Makipagladingitak iti ipupusay ni Gyem Gimmo. Kasta ti awagmi awagko kenkuana. Idi 1963-69, kaduakon iti Sinait Writers Assn [nagbalin a Gumil Sinait], sa nakaduatayo pay iti Gumil Ilocos Sur sakbay nga immaykami iti hawaii idi Hulio 30, 1971. Dios ti mangawat kenka, Gyem Gimmo---Natalna a panaginanam------- ================================ AMADO ILAR YOROApril 8, 2014 at 1:42 AM ASINO DAGITI SUMUKAT KADAKUADA? Intugkel a saludsod ni Ading Ariel Sotelo Tabag itoy bennegna.========================= Iti pammatik, awan ti makasukat kadakuada-----bukodda ti bukodda a palloka wenno sapatos------ngem PATIEK nga adda dagiti agdama a mannurattayo iti makapatas wenno makasagpat met iti kas kangato ti pedestal a nagaw-atan dagiti 'nagawiden'. Dagitoy agdama a kammannurat, adda met kabukbukodanda a tugot iti bukodda a panagsaldet. Adda la ketdi met maitulong dagiti maang-angay a komperensia, workshop, seminar, dagiti pakontes iti tinawen tapno tubayenda met ti bukodda a nagan--------agawidanto met nga addaan iti kabukbukodan a nagan--------Iti biangmi, patienmi unay a makatulong dagiti man bassit a grupo iti pannaggiinnadal isu agiraykami a mangsupsuporta iti panagsuratan para kadagiti agdadamo -----umuna nga addang; isu a supsuportaranmi pay dagiti student delegates kadagiti nailian a kombension pakairamanan ti Gumil Filipinas. ==================== Dayawek unay ni Ading Ariel kadayta a saludsod no asino ti sumukat kadakuadan a 'pimmanaw'. Wen, pimmanawdan ngem gapu kadagiti gapuananda, isuda ti nabati a pakalaglagipanda. Dagiti nabati, tubayenda met ti bukodda a ladawan, lagip, ket maibatidanto met, kas iti pammatik, saanto a masuktan ti sabali. ======================= Adudan idiay Gumil Langit a kunatayo. Ti makunak: saantayon nga urayen a pumusay wenno " agawid" ti maysa a kabsat nga agaramid iti pakalaglagipanna. Itan. Itan ti gundawaytayo amin, ubing, nataengan, babai wenno lalaki, gundawaytayo dagiti 'panagsursuro' nga ited ti gundaway dagiti agduduma a grupo ti mannurat, maymaysa ti panggep ti panangpabaknang, panangtagiben, ken panangpadur-as ti Literatura Ilokana, gapu met laeng kadatayo nga agduyos ken managayat nga agsursuro, agsurat iti bukod a pagsasao, literatura ken kultura. ================== Natalna a panaginana dagiti immunana a 'nagawid'. Nagasat ken nabunga met a panagtitipon dagiti mannurat tapno ituloy a mapasingkedan ti napateg a panggep ti agkaykaysa a gimong dagiti mannurat nga Ilokano. ReplyDelete