MAINAYON ITI RONELYN RAMONES

MAINAYON ITI RONELYN RAMONES=====Ronelyn Ramones To Me Apr 12, 2013 AMMAFLA, Agyamanak ti nabara a kablaawyo kaniak. Agyamanak met iti AMMAFLA iti suportana kadakami nga agdadamo a mannurat. Sapay koma Appo nga isponsor (Manong Amado & Manang Gloria, Manong Francis & Manang Aurora & Manong Fred & Manang Cherry) ta makapudnoak iti panggep ti AMMAFLA. Dios unay manen ti agngina! Ronelyn Ramones :-) From: Amado Yoro To: "ramonesronelyn@yahoo.com" Cc: "francistponce@gmail.com" ; Alfred A CIV NAVFAC HI PRP214 Quibol Sent: Wednesday, April 10, 2013 4:43 AM Subject: Re: KABLAAW From: Amado Yoro To: "ramonesronelyn@yahoo.com" Cc: "francistponce@gmail.com" ; Alfred A CIV NAVFAC HI PRP214 Quibol Sent: Tuesday, April 9, 2013 10:39 AM Subject: Re: KABLAAW Ronelyn Daytoy pakaammo iti baba ket impablaak ti Bannawag maipapan iti Awarding Iti 15th AMMAFLA, Salip iti Sarita Para Kadagiti Agdadamo a Mannurat: Umuna a Gunggona, Marichel E. Suguitan ti Aggub, Solano, Nueva Vizcaya babaen ti saritana a “Kulibangbang.” Inaunaan iti lima nga agkakabsat nga annak da Domingo ken Sionita Suguitan, maysa nga OFW iti Hong Kong ni Marichel. Nakaipablaaken iti sumagmamano a daniw iti Bannawag ken maysa kadagiti mannaniw a nairaman iti Alimpatok, antolohia ti erotiko a dandaniw nga Ilokano. Aktibo met kadagiti gunglo dagiti OFW, maysa kadagiti opisial ti Taga-Nueva Vizcaya Ako (TNVA), organisasion dagiti taga-Nueva Vizcaya iti Hong Kong. Maika-2, Ronelyn B. Ramones ti Brgy. Buyon, Bacarra, Ilocos Norte babaen ti saritana nga “Ina.” Fellow iti 3rd Pasnaan, ti literary workshop nga iwaywayat ti GUMIL Filipinas para kadagiti napili nga agdadamo a mannurat, nakaipablaaken ni Ronelyn iti sarita iti Bannawag (“Sabali ni Benson, Sabali ni Miguel”) ken sumagmamano a daniw a pakaibilangan ti “Uliek ti Kampanario ti Bacarra” a nangyalat iti Umuna a Gunggona iti On-the-Spot Poetry Writing Contest iti Pasnaan 2012. Maika-3, Avelino B. Felicitas, Jr. ti San Juan, Abra ngem agindegen iti Waipahu, Hawaii babaen ti saritana nga “Ti Para Isuno.” Nangisuro iti 16 a tawen iti ISPSC, Santa Maria, Ilocos Sur sa immakar iti UNP Vigan a nagturposanna iti Doctor of Education ken nagretiruanna idi 2007. Ni dati a Teresita A. Imperial ti Santa Maria, I.S. ti asawana. Addaanda iti uppat nga annak. Agdama a Substitute Teacher-3 iti Leeward School District, Oahu,Hawaii ken Security Officer iti UPS Facility, Honolulu, International Airport, iti babaen ti Ali’I Security System. Dagiti naghurado: Aida S. Tiama ti Unibersidad ti Filipinas-Diliman, chair; kameng da Ariel S. Tabag ti Bannawag ken Linda T. Lingbaoan ti University of the Philippines Press. Dagiti isponsor ti salip: Amado & Gloria Yoro, Francis ken Aurora Ponce, ken Fred ken Cherry Quibol, agpapada nga agindegen iti Hawaii. Mapadayawan dagiti nangabak iti RFAAFIL ken AMMAFLA bayat ti Maika-45 a Kombension Nasional kenLiterary Seminar ti GUMIL Filipinas inton Abril 19-21, 2013 iti Gonzaga, Cagayan. (Naipablaak iti Bannawag, Abril 15, 2013 a bilang.) From: Amado Yoro To: "ramonesronelyn@yahoo.com" Cc: "francistponce@gmail.com" ; Alfred A CIV NAVFAC HI PRP214 Quibol Sent: Tuesday, April 9, 2013 10:35 AM Subject: KABLAAW Kablaaw Kadagiti AMMAFLA 15th Winners 2013 Ms Ronelyn B. Ramones Brgy. Buyon, Bacarra, Ilocos Norte Kenka Ronelyn B, Ramones Naimbag nga aldawmo ! Iti nagan ti AMMAFLA, idanonmi ti nabara a kablaaw iti panawenmo a nakipartisipar iti 15th AMMAFLA 2012-2013 ket maragsakankami a mangipakaammo a dakayo ti napagasatan a nangabak iti MAIKADUA A GUNGGONA babaen iti saritayo a “ Ina”. Namnamaenmi a manipud itoy a gapuanam, agbukar ken dumur-asto koma kabayatan nga aglabas dagiti aldaw. Iti biangmi nga esponsor, patienmi a saan koma nga agpatingga ditoy ti pannakapasidap ti plumam nga agsurat. Pangrugian la daytoy. Patienmi nga adda masakbayam iti tay-ak ti panagsuratan iti man Literatura Ilokana ken iti sabali a pagsasao. Ibilangmi a ragsak ken dayawmi iti AMMAFLA nga itinto maysa a panawen – asino ti makaibaga ken makaaramid no saan met la a sika – bukodmo a bagi a maysanto kadagiti mabigbig a ‘Mannurat Nga Ilokana’. Adu dagiti daddaddakkel a pasalip ngem iti AMMAFLA ken maibilangda nga agpang dagiti propesional,pakaibilangan ti Don Carlos Palanca Memorial Award, RFAFIL, ken dadduma pay. Iti napakumbaba a pannao, napaneknekanen ti kabaelan dagiti mabilbilang a limmasat iti AMMAFLA, ket babaen iti regta, anep ken ayatda iti panagsuratan, agsaludokami kada: Eden Aquino Alviar, 2nd AMMAFLA 1998; 3rd prize Palanca 2002 Ariel S. Tabag, 3rd AMMAFLA 2001; 2nd prize Palanca 2003 Clarito Garcia de Francia, 1st AMMAFLA 2001; 3rd prize Palanca 2003 Danilo Antalan, 1st AMMAFLA 2002; 1st Palanca 2005 Danilo Antalan; 2nd Palanca 2006, Arnold Jose, Sherma Benosa RONELYN RAMONES -2014 Daytoy ti silulukat a kanito ken gundawaymo a sumagpat iti nalawlawa a tay-ak ti Literatura-Ilokana." Naimbag a gasatmo Mr. Amado I. Yoro [Gloria] Founder-Chairman Mr. Francisco Ponce [Aurora] Partner-Principal Sponsor Mr. Alfred Quibol [Cherry] Partner-Principal Sponsor Mr. Cles B. Rambaud Manila Coordinator