DANIW By Amado I. Yoro, Man of the Year in Poetry Award 2007-Gumil Filipinas

DANIW PARA ITI PAT BOLO KNDI PROGRAM====== NASARAKAK MANEN TI PUSOK Saniw ni Amado I. Yoro Man of the Year in Poetry Awardee 2007-Gumil Filipinas Kantaak ti agsapa a kakuyog dagiti== Agpalangit a sallapingaw=== Ti pul-oy, yegna ti iliw uray dagiti segga== A di mapakadaan: kinaganus wenno=== Kinaagtutubo, agsublida iti yuyeng=== iti kapanagan ti Sta. Romana: lagip.=== Ti tudo, pinadam-egna ti kinelleng==== Tapno mulaak iti bukel, ti bin-i=== Dagiti kamalig ken sarusar iti kinapudno=== Ti arbis, kuldingenna ti lagip=== Ti naikupin koman a ladawan==== Ti uggot nga agang-anges=== Kas iti uggot ti panagdakkel=== Dagiti sagibo ti kaputotan: nagan. ==== (Ti pagaw, bimmanesbes=== Nagumok manen iti sanga==== Ti beattle nut==== Napessaan idin ti piekna== Iti suli ti abong)=== ======= Nasarakak manen ti pusok==== Iti mata ti kappia==== Ti ayat==== Iti sakruy ti daan a balay==== Nagsinnippit ti singin a pagaw==== Nagtinnarektekda: lailo ken dungngo.==== Adda isasangpet dagiti binatog==== kapagayam iti law-ang ni ayat==== kasda kalapati nga agdisso iti tawa==== nagammalda iti sabong ti pammateg==== Kalanglangko ida iti dulang ni ayat==== Maputarko manen daytoy a kanta-daniw.==== Adtoy ti sabali a panagkasangay tapno==== pasungadek manen rimat kas sagut iti==== maysa nga agpang: panagyaman.===== AMADO I. YORO= Ewa, Hawaii