SELEBRASION MAIKA-35 NGA ANIBERSARIO TI ILOCOS SURIAN ASSN OF HAWAII, MAISAGSAGANA PARA AGOSTO 10, 2012

Amado I. Yoro
Co-organizer and
Board of Advisers


Maisagsaganan ti selebrasion ti maika-35 nga anibersario ti ISAH kas nagsasaritaan ti Committee on Re-Affirmation and Aniversary Celebration ken ti Board of Directors ti ISAH iti napalabas a regular a miting idiay Susannah Wesley Community Center, Honolulu, Hawaii. Indauluan ni Danny Villaruz ti nasao a miting idi Abirl 3, 2012.

Saan pay a natinong ti tema ti selebrasion ngem addan dagiti pamunganayan ken panagibasaran no anianto ti aprobaran ti hunta direktiba nga aggapu iti rekomendasion ti Re-Affirmation ken Celebration Commiittee nga ipanguluan ni Loida Alimboyoguen Yamamoto.

Mainaig a pakaadawan ti tema dagiti sumagmamano a pampanunot, dagiti naballigi a gapuanan ken proyekto ti Ilocos Surian a maibasar iti las-ud iti maysa a dekada wenno sangapulo a tawen manipud idi 2001 aginggana iti 2011, ken ti agdama nga administrasion ni Danny Villaruz, nga isu ti agsapata manen iti sabali a panagtakemna.

Posible a tema agbatay iti: A Highlight of Achievements and Successes in a Decade of Leadership 2001-2011


July 2001 – Typhoon Feria
Organizers: Rep Jun Abinsay, Ad Hoc Committee members: Dr. Nas Torres, Pio Enrico, Ted Saribay, Peping Billena,Vangie Bacani, Priscilla dela Cruz, Carlito Soria, Iluminada Directo, Amado Yoro, Louie Funtanilla, Cora Salvador, Marlene Manzano, Ben Cabreros, others

November 2001 – Reorganizational meeting/election of officer
February 22, 2002 – Pledge of Working Together

Mrs ISAH
2003 –Nancy Clemente
October 2006- Elena Puesta
2008 – Davelyn Quijano

Medical Mission iti Ilocos Sur, Ilocos Norte, Quezon, Payatas.

Dec 2005- educational, Ilocos Sur Idol, sports, cultural/bucanegan
Dec 2007
Dec 2009
Dec 2011

President Quirino Award Aug 27, 2011
Dr. Charlie Y Sonido
Rep Jun Abinsay


Iti sabali pay a programa nga isagsagana ti ISAH intono Nobiembre 2012 – ti Mrs ISAH nga ipanguluan ni agdama a Mrs. ISAH Davelyn Ancheta Quijano.

Sumangkapateg met a proyekto nga ituloy nga isayangkat ti ISAH ti President Elpidio Rivera Quirino Humanitarian Award a mabalin a maangayto intono Agosto 2013 nga iturong toy nagsurat.

Nairugi ti Quirino Award idi Agosto 27, 2011, ket maibatay ti resultana, nasken nga agtuloy tapno maikkan ti naan-anay a rekognasion ken pammadayaw kadagiti naayat, naballigian a kadaraan nga annak ti probinsia ti Ilocos Sur nga agnaeden iti Hawaii.

MAIKA-13 NGA ANIBERSARIO TI INCAT, NARAMBAKAN

Amado I. Yoro

Maika – 13 nga Anibersario ti Ilocos Norte College of Arts and Trade Alumni Assn of Hawaii INCAT, naangay

Inangay ti Ilocos Norte College of Arts and Trades ti maikasangapulo ket tallo nga anibersariona idi Marso 31, 2012 idiay Ala Moana Hotel,

Ni Leo Gozar ti emcee.

Iti pannakalukat ti seremonia a parada, nagmartsa dagiti alumni a pannakayawag ti masnop a tawen a panagraduarda nga iggemda ti nakasegged a kandela.

Da Melanie Corpus ken Fely Wayfield ti nangidaulo ti pannakaknta ti Lupang Hinirang, idinto a ni Dolores Ulep ti nangidaulo ti pannakakanta ti Star Spangled Banner.

Indauluan ni Lydia Daquioag ti pannakakanta ti INCAT hymn.

Pammasungad a kablaaw ti inakem ni Aida Fernandez, 2nd vice president.

Mairaman a timmabuno da Romy Cachola, Alex Sonson, Michael Magaoay, Ron Menor, bin-ig a kadaraan ken kandidato nga agngayangay kadagiti masnop a distrito ken puesto, kas iti House District 30 ni Cachola, Senate District 18 ni Sonson, Senate District 17 ni Magaoay ken Council District 9 ni Menor.

Nabaknang ti naisagana a pangrabii a dinanggayan dagiti salsala ken kankanta ken hula iti paset ti paglinglingayan.

Nayam-ammo dagiti pangpangulo ken lider ti nadumaduma a gunglo Filipino.

Kas baro nga administrasion, pinagsapata ni Deputy Consul Paul Raymond Cortez
Dagiti baro nga opisiales ti INCAT a pakaibilangan da
Lydia Daquioag, presidente; Aida Fernandez, umuna a bise; Lina Longboy, maikadua a bise; Delia Academia, tesorera; Dolores Ulep, katulongan a tesorera; Faye Cudal, Corresponding Secretary; Connie Ramirez, recording secretary; Dante Fernandez, auditor;

Jimmy Lamug, Sonny Acosta, Florencio Ulep, PRO;
Ludy Academia, Agustin Longboy, Joselito Agustin, Jr., Francis Daquioag, Emilio Miguel, peace officers

Board of Director: Warlita Quitog, Mele Manuel, Purita Lamug, remedios Castillo, Tante dela Cruz, Lassie Ribao, Joel Garganta.

Larry Ramirez, Immediate Past president, William Cudal, Orlando Ribao, Nestor Ernie Abara, mamagbaga; Eduardo Zabanal, legal adviser.

Nabigbig met dagiti aganay nga uppat a pulo nga scholarship recipients nga es-esponsoran ti INCAT ken dagiti masnop a kameng.

Idauluan ni Larry Ramirez, agdama a direktor iti OFCC dagiti nangbuangay ti INCAT ken nagpaay a founding president. Maysa ti INCAT kadagiti kaaktibuan a gunglo Filipino, ken kameng iti OFCC.

KOMBENSION TI OAHU FILIPINO COMMUNITY COUNCIL, MAISAGSAGANA

Amado I. Yoro

Umasidegen ti OFCC Convention no Hunio 10, 2012 idiay Konsulada Heneral, Honolulu


Kas paset ti panagsagana ti Oahu Filipino Community Council [OFCC], iti sumaruno a tinawen a kombension a maangay intono Hunio 10, 2012 iti Philippine Consulate General, nagtitipon dagiti sumaganad a dadaulo ken lider ti komunidad ti umuna nga OFCC Annual Convention Committee 2012 nga inangay ni Jake Manegdeg, Convention Chairman, ti miting idi Biernes, Marso 23, 2012 alas singko iti malem idiay Burger King Dillingham Plaza iti Honolulu, Hawaii.
1. Jake Manegdeg, Chairman
2. Ilalo Parayno-pasado a presidente
3. William Cudal, Co-Chair
4. Danny Villaruz-pasado a presidente
5. Jun Abinsay, pasado a presidente
6. Jean Jeremiah, agdama a direktor
7. Amado Yoro-pasado a presidente
8. Eddie Agas, Sr.-pasado a presidente
9. Connie Ramirez, opisial ti Ilocos Norte College of Arts and Trades Alumni Assn of Hawaii
10. Stephanie Villaruz, kameng ti Santanians of Hawaii
11. Larry Ramirez, Co-Chair

Key Committee assignments:
Nadutokan dagiti mangidaulo iti nadumaduma a subcommittee kas paset ti pannakaipataray ti kombension
• Nomination and Election: Danny Villaruz, Ilalo Parayno, Amado Yoro
• Manpower and Set-up: Larry Ramirez
• Resolution: Charlene Cuaresma, Jean Jeremiah
• Membership, Registration and Credential: Gladys Menor
• Foods and Refreshments: Danny Villaruz, Eddie Agas, Sr.

Dagiti napateg a petsa para iti pannakaitungpal ti pagalagadan ken pagbatayan ti kombension:

• Abril 11, Mierkoles = Pannakaipabuson ti awis, pakdaar ken pakaammo manipud iti OFCC president ken OFCC Convention Chair para kadagiti pangulo ti unit organizations, a 60 nga aldaw sakbay ti kaaldawan ti kombension tapno maikkanda iti naan-anay a panawen a mangisubmitar kadagiti malitupan a porma ken panangpabaro iti panagkameng iti konseho. Nasken a maawat dagitoy a unit organization dayta a pakaammo iti saan a naladladaw ngem Abril 26, Huebes, wenno 45 nga aldaw sakbay ti kaaldawan ti kombension

• Mayo 27. Domingo = Maudi nga aldaw a pannakaawat dagiti porma ti panagkameng, panangpabaro iti panagkameng a mapakuyogan iti masnop a pagbayad iti makatawen, ti porma a pakailistaan dagiti nagan a mapakuyogan iti pagbayad dagiti delegado nga agatendar iti nasao a kombension. $55.00 ti bayadan ti tunggal delegado. Ti porma ti nominasion a nakaisuratan ti nagan dagiti agkalikagum a papili iti masnop a puesto kas iti kinapresidente, dua a bise presidente, sekretaria/o; katulongan a sekretaria/o; tesorera/o ken katulongan a tesorera/o; auditor, ken 4 a direktor, dagiti resolusion, ken dagiti rekomendasion a pannakasupusop ti Constitution and Bylaws. Nasken a maawat dagitoy 14 nga aldaw sakbay ti kaaldawan ti kombension.

Hunio 10, Domingo = Naituding nga aldaw ti kombension kas naggaanamongan ti hunta direktiba ti OFCC ken mayannurot iti Constitution & Bylaws a nasken maangay ti tinawen a kombension iti bulan ti Hunio.

Dua nga agsaruno a tawen laeng ti panagserbi ti maysa nga opisial iti isu met la a takem. Ita a tawen, saanen a makapagtaray pay ti agdama a presidente ta a malpasnan ti nagsaruno a tawen a panagtakemna.

[Adda Nayonna]

35 a Sarita ti Naisalip iti AMMAFLA 14th

MANIPUD ITI BANNAWAG PEBRERO 27, 2012 A BILANG

35 a Sarita, naisalip iti 14th AMMAFLA
Tallopulo ket lima a sarita ti naisalip iti Salip iti Sarita ti Maika-14 nga AMMA Foundation Literary Awards, kas impakaammo ti AMMAFLA Secretariat.

Dagiti naisalip a sarita agraman parbo a nagan dagiti autor:

“Puso ti Maysa a Maestra” ni Dwayn Mien, “Agtutubo, Agmurmuraykan” ni Stranger, “Dengue” ni Lina Mhok, “Ni Angelo” ni Camiguin Boy, “Ti Panagrusing ni Ayat” ni Devoted Heart;

“Talon” ni Mannalon, “Legal Wife” ni Lee T. Victoria, “Ti Maudi a Sigit” ni Milwealth, “Imon” ni Roblen Ponce, “Ni Nana Solenn” ni ohyeskaljangwu;

“Dagiti Imbati ni Proceso L. Villanueva a Lagip” ni Napisang a Plaka, “Dagiti Agsalsala a Kulalanti” ni Namnama Castillo, “Borobor” ni Sir Mata, “Bileg ti Kararag: Naliklikak ni Patay Sadiay Myanmar” ni Molave M. Avalse, “Sugal” ni Angeleigh;

“Kanonto ti Sangpetmo, Apong Lakay?’ ni Flora T. Mayo, “Dagiti Balitokko” ni Ronelyn Ramones Castillo, “Rabak ti Biag” ni Dayag T. Ammianan, “Lunod” ni Summer Love, “Pirak ken Patay” ni Azirk Yam,
“Naglunit a Silap ti Lua” ni Sage, “Daydi Bunga” ni Rycelle, “Wen, Kabsat, Pudno” ni Trixie Jhayne, “Karit ni Patay” ni MJEA, “Pannakaamiris” ni ADZ;

“Biag Babaen ti Biag ti Maysa a Nawara a Familia” ni Txirk Xhann, “Darepdep ti Naglabas” ni Sweet Girl, “Pamilia, Tawid, Naglaksidan!” ni Senyora, “Nasudi nga Ayat” ni True Beauty, “Klaymeyt Tsej” ni Lysa;

“Diary” ni Rejul_27, “Sakripisyo ni Tatang, Ingkam Sukatan” ni Arkessa, “Suminan ni Manong” ni Janaug, “Kalpasan ti Panagsagaba” ni Baltzar, R.A., ken “Dagiti Pait ni Arapaap” ni Pink Devil.

Imatonan da Alfredo ken Cherry Quibol, Francisco ken Aurora Ponce, ken da Amado ken Gloria Yoro ti AMMAFLA. Agpaay ti pasalip kadagiti agdadamo a mannurat iti Iluko a “kas pangaron iti reggetda a mangpatadem pay iti plumada.”

Agdagup met iti P25,500.00 ti premio a pagbibingayan dagiti mangabak. Nangrugi ti salip idi Mayo 23, 2011 ken naggibus itay Enero 31, 2012. Mapadayawan dagiti mangabak bayat ti Komperensia Nasional ti GUMIL Filipinas a maangay iti DMMMS-North La Union Campus, Bacnotan, La Union inton Abril 20-22.

(Naipablaak iti Bannawag, Pebrero 27, 2012 a bilang.)

35 a Sarita nga Ilokano ti Naisalip iti AMMAFLA14th a Naggibus iti Enero 31, 2012

35 a Sarita, naisalip
iti 14th AMMAFLA



“Kasla nagtubo nga uong dagiti agdadamo a mannurat a nakisalip ita iti 2012 AMMFLA Short Story Writing Contest, kas makita iti Press Release a rummuar iti February 27 issue ti Bannawag. Sapay koma ta addan makaumay a pannakabagi ti AMMAFLA a mangyawat kadagiti premio,” impakaammo ni Cles B. Rambaud.

Tallopulo ket lima a sarita ti naisalip iti Salip iti Sarita ti Maika-14 nga AMMA Foundation Literary Awards, kas impakaammo ti AMMAFLA Secretariat, Manila. Mayawatton dagitoy a sinurat kadagiti hurado ti salip.

Dagiti naisalip a sarita agraman parbo a nagan dagiti autor:
1. “Puso ti Maysa a Maestra” ni Dwayn Mien
2. “Agtutubo, Agmurmuraykan” ni Stranger
3. “Dengue” ni Lina Mhok
4. “Ni Angelo” ni Camiguin Boy
5. “Ti Panagrusing ni Ayat” ni Devoted Heart
6. “Talon” ni Mannalon
7. “Legal Wife” ni Lee T. Victoria
8. “Ti Maudi a Sigit” ni Milwealth
9. “Imon” ni Roblen Ponce
10. “Ni Nana Solenn” ni ohyeskaljangwu
11. “Dagiti Imbati ni Proceso L. Villanueva a Lagip” ni Napisang a Plaka
12. “Dagiti Agsalsala a Kulalanti” ni Namnama Castillo
13. “Borobor” ni Sir Mata
14. “Bileg ti Kararag: Naliklikak ni Patay Sadiay Myanmar” ni Molave M. Avalse
15. “Sugal” ni Angeleigh
16. “Kanonto ti Sangpetmo, Apong Lakay?’ ni Flora T. Mayo
17. “Dagiti Balitokko” ni Ronelyn Ramones Castillo
18. “Rabak ti Biag” ni Dayag T. Ammianan
19. “Lunod” ni Summer Love
20. “Pirak ken Patay” ni Azirk Yam
21. “Naglunit a Silap ti Lua” ni Sage
22. “Daydi Bunga” ni Rycelle
23. “Wen, Kabsat, Pudno” ni Trixie Jhayne
24. “Karit ni Patay” ni MJEA
25. “Pannakaamiris” ni ADZ
26. “Biag Babaen ti Biag ti Maysa a Nawara a Familia” ni Txirk Xhann
27. “Darepdep ti Naglabas” ni Sweet Girl
28. “Pamilia, Tawid, Naglaksidan!” ni Senyora
29. “Nasudi nga Ayat” ni True Beauty
30. “Klaymeyt Tsej” ni Lysa
31. “Diary” ni Rejul_27
32. “Sakripisyo ni Tatang, Ingkam Sukatan” ni Arkessa
33. “Suminan ni Manong” ni Janaug
34. “Kalpasan ti Panagsagaba” ni Baltzar, R.A.
35. “Dagiti Pait ni Arapaap” ni Pink Devil.


Imatonan da Alfredo ken Cherry Quibol, Francisco ken Aurora Ponce, ken da Amado ken Gloria Yoro ti AMMAFLA, agpapada nga agnaeden iti Hawaii. Agpaay ti pasalip kadagiti agdadamo a mannurat iti Iluko a “kas pangaron iti reggetda a mangpatadem pay iti plumada.”

Agdagup met iti P25,500.00 ti premio a pagbibingayan dagiti mangabak. Nangrugi ti salip idi Mayo 23, 2011 ken naggibus itay Enero 31, 2012. Mapadayawan dagiti mangabak bayat ti Komperensia Nasional ti GUMIL Filipinas a maangay iti DMMMS-North La Union Campus, Bacnotan, La Union inton Abril 20-22.

St. Paul's Church Episcopal and Philippine Independent Church to Celebrate Its 53 years foundation

St Paul's Church Episcopal and Philippine Independent Church to celebrate its 53 years foundation

02/14/2012


CORRECTION PLEASE

St Paul's Church Episcopal and Philippine Independent Church to Celebrate Its 53 years foundation


AS CORRECTED FROM AUGUST 11 MOVE TO SEPTEMBER 1 - Thank You - Amado Yoro


Honolulu, Hawaii---

St. Paul’s Church Episcopal and Philippine Independent Church
53rd Anniversary Celebration, Recognition Award and Coronation Pageant on
Saturday, SEPTEMBER 1, 2012. 6pm, New Empress Restaurant 100 North Beretania St., #205 Honolulu, Hawaii 96817

St. Paul’s Church was organized as a mission on August 12, 1959. There will be Teen contest coronation and awarding of Bishop’s Awardees.

Dinner donation: $35.00

For information, please contact Amado I. Yoro, General Chair at 688-9814 or email to amadoyoro@yahoo.com

DATI A SENADOR ITI HAWAII RON MENOR KANDIDATO A PARA KONSEHAL ITI SIUDAD TI HONOLULU

Politika iti Hawaii 2012


EON MENOR PARA KONSEHAL ITI SIUDAD TI HONOLULU


Amado i. yoro

Dati a senador iti Hawaii ni Ron Menor ti nangiwaragawag ti panagkandidatona a para konsehal iti distrito 9 Central Oahu, Leeward Oahu, Mililani ken Ewa Beach, impakdaar ti warnakan.

Saan nga agdadamo ni Menor iti politika. Iti panagkunami iti bukodmi a panirigan, natenneb iti tay-ak ti serbisio publiko. No iti pannakipulapol iti komunidad a Filipino, saan met a lumned-tumpaw a kas dadduma. Adda a makidinnakulap ken makidanggay kadagiti fundraising, pasken ken parambak ni Filipino. Adda gundaway a kaduami idi a kameng iti hurado a nagpili iti Mrs. Hawaii Filipina, kasta met iti Miss Hawaii Filipina kadagiti panawen ni Bert Ugalino a presidente ti UFCH [1986-1988]

Idi nagkandidato a para US Congress idi 2006, isu met idi ti pannakaigamulomi iti kampania iti kalikagumtayo a no isu ti mapagasatan, isu ti umuna a Filipino nga agsaad iti dayta a puesto a pannakabagi ti Hawaii idiay US Congress, Washington, DC. Saanmi met a sinamir ti tiempo kas iti coffee hour ken sign waving. Idi addakami iti Labor Union Local 368, malaksid nga inendorso daytoy a union, adda met dagiti malem wenno agsapa nga addakami iti sign waving a kaduami dagiti dadduma a volunteers. Nupay naarus iti botos, saan a naupay ket itultuloyna latta iti agserbi.

Immuna a nagrepresentante idi 1982. Nagsenador iti Hawaii. Nasuroken a duapulo a tawen iti panagserbina iti agpada a Hawaii State House of Representatives ken Hawaii State Senate.

Nagpangulo iti nadumaduma a komite iti kaaddana iti Lehislatura ti Hawaii

Consumer Affairs, Chair
Energy and Environment, Chair
Health, Member
Ways and Means, Member


Anak ti nalatak nga Ilokano a tubo iti San Nicolas, Ilocos Norte, immuna a senador a Filipino iti Hawaii, nagkameng iti Hawaii Supreme Court Benjamin Menor. Maysa nga abogado.

Nayanak idiay Hilo, Hawaii a dati a nagnanaedan ti pamilia Menor, ngem gapu iti panagpaay ti amana kas umuna a Filipino a senador, immakarda ditoy Oahu.

Nagun-od ni Ron ti Bachelor of Arts in Political Science iti University of California, Los Angeles idi 1977, sa tinurposna ti Juris Doctor, Georgetown University Law School, Washington DC, 1980.

Tinegged ni Ron ti padasna kas Legislative Intern for Congressman Daniel Akaka, 1978; nagtrabaho iti Department of Attorney General, State Planning, Law Clerk, Chief Justice William Richardson, Hawaii Supreme Court, sa nagsanay kas pribado nga abogado.


Kameng iti nadumaduma a grupo sibiko, kas
Director, Mililani Crime Watch Program
President, Mililani High Advisory Council
Member, Mililani Lions Club
Board Member, Mililani Young Men's Christian Association
Legal Counsel, State Organization of Lions Clubs
Board Member, West Oahu Young Men's Christian Association.


Caucuses/Non-Legislative Committees:
Member, Mayor's Council of Law and Order.


Iti agdama, dua a Filipino ti kameng ti Honolulu City Council. Saanen a makapagtaray pay ti situtugaw iti distrito nuebe gapu iti term limit. Ita a masurat daytoy [Pebrero, 8] awan pay sabali a Filipino nga aspirante a mabalin a makasango ni Menor.