NANGABAK ITI 15TH AMMAFLA, NAAMMUAN

MANIPUD KEN NI CLES B. RAMBAUD ITI BANNAWAG, naammuanen dagiti nangabak iti15th AMMAFLA, iti tinawen a pasalip para kadagiti agdadamo a mannurat.================ Inyalat ni MARICHEL E. SUGUITAN ti Aggub, Solano, Nueva Vizcaya ti Umuna a Gunggona iti Salip iti Sarita a Para Kadagiti Agdadamo a Mannurat ti 15th AMMA Foundation Literary Awards babaen ti saritana a “Kulibangbang.”[PP10,000.00]===================== Inaunaan iti lima nga agkakabsat nga annak da Domingo ken Sionita Suguitan, maysa nga OFW iti Hong Kong ni Marichel. Nakaipablaaken iti sumagmamano a daniw iti Bannawag ken maysa kadagiti mannaniw a nairaman iti Alimpatok, antolohia ti erotiko a dandaniw nga Ilokano. Aktibo met kadagiti gunglo dagiti OFW, maysa kadagiti opisial ti Taga-Nueva Vizcaya Ako (TNVA), organisasion dagiti taga-Nueva Vizcaya iti Hong Kong.============================= Pinangabak met ni RONELYN B. RAMONES ti Brgy. Buyon, Bacarra, Ilocos Norte ti saritana nga “Ina” iti Maika-2 a Gunggona.[PP8,500.00] Fellow iti 3rd Pasnaan, ti literary workshop nga iwaywayat ti GUMIL Filipinas para kadagiti napili nga agdadamo a mannurat, nakaipablaaken ni Ronelyn iti sarita iti Bannawag (“Sabali ni Benson, Sabali ni Miguel”) ken sumagmamano a daniw a pakaibilangan ti “Uliek ti Kampanario ti Bacarra” a nangyalat iti Umuna a Gunggona iti On-the-Spot Poetry Writing Contest iti Pasnaan 2012.=================== Inyalat met ni AVELINO B. FELICITAS, JR. ti San Juan, Abra ngem agindegen iti Waipahu, Hawaii ti Maika-3 a Gunggona babaen ti saritana nga “Ti Para Isuno.”===[PP7,000.00]==================================== Nangisuro iti 16 a tawen iti ISPSC, Santa Maria, Ilocos Sur sa immakar iti UNP Vigan a nagturposanna iti Doctor of Education ken nagretiruanna idi 2007. Ni dati a Teresita A. Imperial ti Santa Maria, I.S. ti asawana. Addaanda iti uppat nga annak.================= Agdama a Substitute Teacher-3 iti Leeward School District, Oahu,Hawaii ken Security Officer iti UPS Facility, Honolulu, International Airport, iti babaen ti Ali’I Security System.================================ Dagiti naghurado: Aida S. Tiama ti Unibersidad ti Filipinas-Diliman, chair; kameng da Ariel S. Tabag ti Bannawag ken Linda T. Lingbaoan ti Unibersidad ti Filipinas.============================= Dagiti isponsor ti salip: Amado & Gloria Yoro, Francis ken Aurora Ponce, ken Fred ken Cherry Quibol, agpapada nga agindegen iti Hawaii.====================================== Mapadayawan dagiti nangabak bayat ti Maika-45 a Kombension Nasional kenLiterary Seminar ti GUMIL Filipinas inton Abril 19-21, 2013 iti Gonzaga, Cagayan. (AMMAFLA Secretariat)