ADBIENTO: Pammasungad

Maris ken pammaliiw iti adbiento 12/08/2008 PAMMALIIW ITI ADBIENTO Bioleta ti tallo a kandela Segdan tunggal Domingo, Allingagen ti Ikkis iti let-ang ti mangliwengliweng Iti kaunggan Agkarasakas dagiti bulong Iti nagango a daga Kimriit a daga Biagen ti bukel Ti mula Yeg ti tudo ti ayat Kas iti linnaaw a mamagungar Iti sabong Adda apuy iti barukong Dagiti amami ken mamatiak Apo, ituloynak a tubayen Ken tenneben Kas instrumento ti pannakasukogko Ituloynak a suboken Ken padaklen iti kired Tapno sakduen dagiti pannakaammo Dagiti mirakulo Ituloynak a dakamaten Iti pakaigloriaan ta naganmo Baklayek met ti krus Iti panagsagaba Ti korona a siit Ngem umayto ti kappia Ken ayat Ti pannakaammo Ti panagbirok Ti panagdalaiasat Patibkerem a pammati Kadagiti ranget ken gubat Dagiti riniwriw a panagduadua Usisaen ti pagteng Saksi Ti pannakabuniag Iti pannangan iti dulang Ti kinanumo Siakto latta toy sipapakurang Nga agdawat kenka iti pammakawan Kadagiti nagbasolak Ituloynak nga aramaten Itoy iggemko a kalis Tapno maiwaras ti arak Ti daram a kanayon a pakalaglagipan Iti awan patinggana a kinasudi ken Kinasanto Dagiti maibunong a tinapay