ADDA LEMMA TI TUGOT

Adda lemma ti tugot ti panagparsua ken panagputar daniw Amado I. Yoro Historic Ewa Villages, Hawaii 10/12/07 Adda kinabirtud ti pagteng dagiti maipasngay nga agsapa, ti Lawag Ti pannakaipasngay tapno agmulagat Dagiti mata, ti Langit Ti panagdakiwas dagiti tumaytayab Panangsursor sulinek ti uppat a suli, ti Law-ang Naapres a langoyen dagiti taaw Dagiti panagkatangkatang iti baybay Ta umay met dagiti panagtawataw, ti Danum Dagiti kurioso a nakem, Daga Ugasan ti kararua ti kinatiri wenno kinarugit Dagiti nagkamtudan, agammusay iti danum Ket nagdigos ti tao ti namuli a daga Timpuar a ladawan ti bileg ti agay-aywan Ti muyong ken ti nakaparsuaan a buya Dagiti sabong; yegna ti busel, sa ti bunga Ti bunga a nasadiwa a nangkayaw itoy Tao, itoy a babai natnag iti aramid ti allilaw dagiti ramayna ket itoy ti lalaki ne, ay nakaraman, diro wen nakaraman ti naimnas a diro iti awan panagkedked a nanglapsut ti kinapimanna naluktan dagiti mata iti agnanayon a panaglabsing.