NI LARRY RAMOS RAMIREZ KEN TI OAHU FILIPINO COMMUNITY COUNCIL [OFCC] ADOPT A HWY PROJECT 2012

LARRY RAMIREZ KEN TI OFCC ADOPT A HWY PROJECT 2012


Saan nakaskasdaaw no balligi [manen] ti imbunga ti kaudian nga Oahu Filipino Community Council [OFCC] Adopt a Hwy Clean up project committee nga ipanguluan ni Larry Ramirez, a naangay idi Sabado, Enero 21, 2012.

“Maragsakanak ta balligi ti proyekto a nakipartisiparan da: William Cudal, Faye Cudal ken Jesse Pascual iti OFCC ken dagiti agtutubo manipud iti Farrington High School nga imbagian da Adriana Nichelle Jones ken Monalyn Appara ken Kalakaua Intermediate School nga imbagian da Raizza Pulido-Kalakaua Intermediate School, Regine Ramos, Bryson Lu, Jeffrey Bautista, Michelle Bonilla, Jasmine Santiago ken Michael Tran,” inyemail kaniak ni Larry.

“With our number we were able to cover from end to end
of Kalihi Street and collected bags of trash along the road. It
was fun, and it reminds me during my days in school dealing
with high school kids. Everything was observed properly, all the
youth signed the waiver. Safety first was our business of the
day. All of them kept their vest and gloves because they said
they like to attend again next time. I will email their names to
Fe [Velasco] so she can prepare their certificates of participation”.

Ni Larry ti maysa kadagiti kaaktibuan ita a director ti OFCC, Isu ti Chairman iti OFCC Special Projects a pakairamanan ti Adopt a Hwy, Hawaii Food Bank, Feeding the Homeless kas partnership project ti UFCH ken dadduma grupo. Dati a toy nagsurat ti pangulo ti UFCH Social Action ken co-chair iti OFCC Special projects nga impanguluan ni Gus Concepcion.

Malaksid a nasirmata ken adu met a napintas ken pampanunot nga aramiden ni Larry, saan a paudi kadagiti volunteer works iti komunidad. Opisial kadagiti nadumaduma nga organisasion. Kameng iti nadumaduma a komite ti OFCC kas iti Membership, Miss Oahu Filipina, Scholarship, Top Ten Outstanding Pilipino Students, kdpy.

Nagpresidente iti Ilocos Nortenians of America [INA]. Isu ti pondador ken agdama a presidente ti Ilocos Norte College of Arts and Trades Alumni Assn of Hawaii.
Idi Oktubre 2011 nga inallawat ni Larry daytoy a takem. Saankami a nagkedked idi dawatenna ti pannakidanggaymi a kas dati a pangulo. Gapu kenkuana ken gapu iti komunidad, aramidenmi met latta ti mabalinmi nga aramiden “to continue our service and commitment as a volunteer in our Mission Day Service” at best we can.

Taldiap ti adopt a hwy project:
Nagbalinen a regular a proyekto ti OFCC daytoy. Boluntario ti pannakipartisipar. Umay ti mayat a mangted ti tiempona. Limmasat kadagiti nagsisinnublatan nga administrasion ti OFCC a no saankami nga agriro idi taraudi ti 70’s. Kapigsana la unay idi 90’s ken 2002. Adu idi ti kameng ti OFCC. Ngem adda panawen idin a kimmapsut ti suporta ti OFCC, bimmaba ti bilang ti miembro. Nairaman a bimmaba ti partisipasion dagiti unit organizations, bimmassit met ti volunteers itoy a proyekto, banag a dandani inikkat ti Dept of Transportation, Highway Division ti ADOPT A HIGHWAYagsipud ta segun iti Volunteer Coordinator/DOT, adda panawen a pannakaliway ti komite kadagidin a tiempo.

Kas Coordinator ti Adopt a Hwy iti simbaan a pagkamengak, ken adda pay met la pannakinaigko iti OFCC, inkalikagummi a maisubli koma ti karatula a nakaimarkaan ti nagan ti Oahu Filipino Council iti agsipungto ti Kalihi St manipud iti Nimitz Hwy ken iti Kula Kolea Rd, a sanguanan ti Kalihi Elementary School. Dua a milia ti sakupen ti proyekto. Naisubli ken nagaktibo manen ti OFCC idi 2006 aginggana ita.

Saan la nga iti Oahu ti yan ti proyekto nga Adopt a Hwy.
Saan la met a ti OFCC ti adda proyektona a kastoy. Kas nangrugianmi iti community service and volunteering iti Lions Club International, daytoy idi ti dati a Weeful Project ti State of Hawaii.

Kadagiti napasiarmin a lugar iti Hawaii kas iti Kauai, Maui, Big Island, Molokai, Lanai, umuna a biroken dagiti matami ti karatula nga Adopt a Hwy. Saan a mapaay dagiti matami, banag a patienmi a saan la a dakdakami ti maawagan iti “para pidut ti basura” iti igid ti kalsada, banag pay a kasla pakaibabaan ti dayaw no adda agkuna: trash picker.

Adda pay dagiti dadduma a lugar a napasiarmin pakaibilangan ti Vancouver, Canada, Seattle, Kent, Washington, Virginia, Skagway, Juneau, Kitchikan, Alaska, Washington, DC., San Francisco, Los Angeles, Santa Barbara, Rancho, California, Navasota, Texas, plastado ti karatula: Adopt a Hwy a nakabaskag iti igid ti Freeway wenno highways.

Saan a panangbagkat ti bukod a tugaw, kas maysa a kaaktibuan a komite ti OFCC, adda pay dagiti tiempo a naawis a nakipartisipar pay ti sumagmamano a lehislador a pakairamanan da representante Joey Manahan, John Mizuno ken dati a representante Jun Abinsay.

Napadayawan met ti komite iti ititipon ni dati a Miss Hawaii Filipina Margaret Pascual ken nadumaduma a lider ken kameng ti nadumaduma a gunglo
Saan met a nagpaudi ti NATIONAL HONOR SOCIETY nga ipanguluan ni Vanessa Pulido iti Farrington High School ken padana nga agtutubo a pakairamanan da Dustin Borromeo, Josh Cabanero, Karl Cubangbang, Jhenna Garvida, Anessa Jones, Brian Lu, Ryan Mandado, Tere Ann Membrere, Von Uisa.

Maangay ti ADOPT A HWY Clean up iti tunggal tallo a bulan.
Pagyamananmi dagiti sumaganad: Art Abinsay, Eddie Agas, Sr., Philip Alcain, Franklin Borromeo, Cleo Bala Casino, Franco Casino, Gus Concepcion, Louie Funtanilla, Ruben Gutierrez, Johnny Idica, Antonio Ipalari, Mario Palma, Jesse Pascual, Jessie Ponce, Ador Quijano, Larry Ramirez, John Ramos, Al Sabangan, Larry Ramirez, John Ramos, Danny Villaruz, dadduma pay.

ALOHA A’INA EARTH Day da, Jean Jeremiah, Gil Penaranda, Fe Velasco, Mario Palma, Eddie Agas, Ben Cabreros, Jesse Pascual, Philip Alcain, Lynne Gutierrez, Connie Ramirez, Larry Ramirez, Kathrina C. Velasco

Itoy a tawen, kinuna ni Larry nga agpartner ti Special Projects ken Youth Task Force committee nga ipanguluan ni Fe Velasco, umuna a bise presidente ti OFCC tapno agtinnulong dagitoy a mangidalan ken mangisagana ti naun-uneg a kaipapanan ti leadership development ken ti panagbalin dagitoy nga agtutubo a lider iti masakbayan. Nawada ti sirmata ken arapaap ni Velasco iti pannakatulong kadagiti agtutubo a matubay kas nalinteg ken mapagtalkan a kameng iti komunidad ken sanggir ti masakbayan.

LIA

LIA
[Angelia Campos Paguirigan Yoro Balcita: Enero 1, 2012]


Simmangpetka a sagut ti umuna nga aldaw
Ti panagdaliasat, kaduaka a mangsurot ti dana
Ti pannakigasanggasat da kabsatmo a CJ Boy,
ni Maria Caridad nga inam
Ken ni Abraham nga amam

Sinungbatam ti gumaygayebgeb a pammasungad
Ken panaguray iti dumaldalinesnes a segga
Iti isasangpetmo iti nakurapay ngem natalimeng
A taeng a binuniagak idin iti paraiso
A sinangpetan ti inam.
Ditoy met la a taeng, iti isu met la a laem
Ti nakanggak iti ibit ti maladaga a namalugatan
Ti inam
Ipalubosmo ngarud nga ubbaennaka ni Mama Oyya
Iti takiagna rinaem ti dungngo a kas dungngona iti inam
Sagutnaka ni Apo Dios iti isasangbaymo
Kantaankanto iti duayya ni ayat
Ragsak, kappia, talna,
Bay-am a mapusek ti taeng iti ibit
Ti katawa, ti garakgak a ray-aw ti taeng
Lemmesendanto ti liday
Ti kaaddam, isu ti ragsakmi
Iti naunday a panagpasungad
Ket datayo amin ti magna
Iti nawatiwat a panagdaliasat
Iti birbirokentayo a kaibatogan.

ADTOY TI AYAMUOM ITI RAWIS TI BULLALAYAW

Adtoy ti Ayamuom iti rawis ti bullalayaw

Amado I. Yoro
Ewa, Hawaii, USA
Indengam ti angin
ti maipalais a kansion
dagiti agbukar a sabong
allingagem ti karayan
ti agusna ti pakasaritaan
ti nakayanakan

denggem, wen, denggem
ti tudo: surnadanna ti lagip
ti nadaeg a pakasaritaan
iti arubayan ti dadapilan
kitaem ti bullalayaw
ti maris ti kappia
ti anges ti namnama
a mangibukra ti agsapa
dagiti arapaap ti biag

tenglem ala, tenglem
ti anges
kebbakebba ti darikmat
adtoy ti ayamuom
ti sabong
iti rawis ti bullalayaw

Angelia Campos Paguirigan Yoro Balcita, my second grandchild arrives

My second grandchild Angelia Campos Paguirigan Yoro Balcita was born on Januray 1, 2012 around 4:40 AM just after the midnight separating December 31, 2011 and January 1, 2012.

Lia is her nickname. Her mother's name is Cherly Lei Campos Paguirigan Yoro, I called her Lei as her nickname. Lia's father is Abraham Balcita formerly from Baguio City. I called him Jun. Jun and Lei got married in February 2011 by Judge Reynaldo Grualty.

Lia arrived earlier than due date first week of February 2012.

CJ is my first grandchild boy.

I felt so great to have grandchildren. Good to see a growing family and live in the same roof. Our family is very intact.

I considered Lia's arrival at new year's day is a GOD'S GIVEN GIFT to our family. My wife Gloria was so happy and grateful. We are all happy together - in love, in understanding, in hope, in happiness, in joy, in prayer.

Thank you.

KALAPATI ITI TANGKAL: WAYAWAYA

KALAPATI ITI TANGKAL: WAYAWAYA
DANIW AMADO I. YORO
Ewa, Hawaii\

Siripek ti sirarayray a raya ti init
Birokek ita ti wayawaya
Iti labes ti sirmata ruar uppat a suli
Ti lubong ti biag
Sirmataek ti langit
Salpoten ti nakem
Dagiti kalikagum
Ti panagbariw-as
[Pannakabalud met
ti awit a krus
uray dagiti sayamusom
ti sabong]
Kitikit ti bato
A lamisaan ti kopa ti ayat
TalnaIsublik ti apuyIti init
Ti beggang
Ti karayo\

Agpakniak ita
Iti suli
Agtanamitimak
Kas iti meditasion
A mangibulos
Ti sennaay ken
kalikagum
Allingangek ita
Ti arasaas ni Salome Alegre
Naallumamay ti nota ken rima
Ti samiweng ni Cielo Alma
Ay-ayatenka
Yallangog ita
Ti kararuak
Ti wayawaya
Ti wagayway
Ti ayat
Ti sakripisio
Ti init agsubli
Ti linnaaw
Kadagiti kannag
Ti muyong

Dagiti agmulmula, naagawada
Nga agitukit ti bukel
Awitda ti sangasakruy nga ayat
Adda agar-arado iti talon
Mangitugkel ti agmulmula iti bukel
Ti daga a binisibisan ti arbis
Ti agmatuon
Ti pammatik
Ti ramut dagiti punnuot
Ti kaipapanan ti panagbaniaga

PUSSUAK KEN RIMAT TI PAMPANUNOT

PAMPANUNOT PUSSUAK PAGSASAO NI AMADO YORO

ILOKO SECTION
AMADO I. YOROPAMPANUNOT, PUSSUAK TI ISIP, PANGNGARIG KEN PAGSASAO.

Sarming ti biag, maysa a pagadalan ken paganninawan, kaaduanna nga adda dagiti makaited inspirasion ken adal kadagiti babassit a bambanag ken pampanuot, uray dagiti pagsasao, naggapu man iti bukod a padas wenno nadakdakamaten ti sabali.Kabayatan ti pannakigubal iti aginaldaw a biag, dagiti pannubok, pannakapaay ken panagballigi no dadduma, adda maibunga a binatog, mainaig man iti panagsurat, pannakitrabaho, ken pannakigamulo iti komunidad, dagitoy a pampanunot, kasda la nagasagas a bagas.Ibingayko itoy a bilang.

· Nasidap ti mata a makakita iti pintas, daeg ken buya ti nakaparsuaan, ngem nasarsarut, nasidsidap ken natartarnaw pay ti panangiladawan ti isip ken imahinasion wenno panunot

Nasayaat a saritaen dagiti nasayaat ken makairanud a panggep nga aramiden, ngem mas amang pay a nasaysayaat no aramiden kadagiti pagpaayanna tapno adda pakakitaan ti kinapudnom iti bagim

· Agsardengen a dumakkel ti tao no agsardengen nga agsursuro, ti panagadal ken panagsursuro iti ania man a baro a banag ket paset ti biag iti inaldaw

· Ti agkuna nga isu perpekto ti aramidna, dayta tay mabuteng nga mangaklon ti biddutna banag a basbassit ti magapuananna, mabuteng nga agbiddut, ti panagbiddut ket human nature – only the divine Lord God is perfect.

· Mangtedka, tiempo man, sanikua ken kapanunotan; saanka la nga agdawdawat, wenno agpannuray iti sabali

· Agsuratka latta; adda biag ti aniaman a masuratmo ita, ti pitik, pulso, ladawan, rikna ken kararua dayta a sinurat - bin-i ken dawa ti kinaregget nga agsurat

ADDA PAGSASAO A ”NO ISARDENGMON TI AGSURSURO, AGSARDENGKA METTEN A DUMAKKEL”

‘ARAMID TI PAKAKITAAN”

Kastoy ti kinuna ni Francisco Ponce, “Literary and cultural responsibility”. · Ikkam ti pilosopia ken simplicity iti suratem – mangray-awka – Francisco Ponce
“
· Saan a ginaganat ti agbalin a mannurat – Jose Tenoso

· Gaget ken panaganus ti kasapulan – Pelagio Alcantara

· Lasag ken piskel ti masapul iti panagdaniw – JSP Hidalgo, Jr.

· Pagrebbengan met ti panagsurat, a kas met la iti pagrebbengan iti pamilia, trabaho ken iti komunidad, ken panagnegosio – Rey Duque

DADDUMA PAY A PAMPANUNOT
· Saanka nga agparammag gapu ta addakan iti saad nga inted ti tao kenka.

· Makasabidong ti bassit nga ammo ta mabalin a saanmon a mabigbig ti kinabassitmo wenno bassit a nangrugiam.

· Saanka nga aginlalaing no nagbatayka iti abaga ti sabali

· Ti pudno a lider ket mangidaulo, nadayaw, napakumbaba ken mapagtalkan

· No maysaka a lider ket dumgegka, naisaadka ita puestom gapu kadagiti tao – saanmo a kukua a bukbukod ti gunglo – kukuayo amin a kameng

· Saanka nga agpasindayag; ammuen no asinoka – ken ammuem ti naggapuam

· Ti pudno a ‘gayyem’, isu ti talaga a gayyem uray maminribu nga agrueda ti pasamak ti biag

· Uray no kawesan ti ‘nuang’ iti nangina ken narangrang a pagan-anay, nuangto latta uray iparadam iti tengnga ti ili wenno siudad

· Ti kaganusan a rangaw wenno uggot ti mula birokenna latta ti alad ken pakalatkat – makilugan ken/ wenno makisakay – ket pagangayanna, kasla umet-et a parasitiko wenno kanunong, pagangayanna puera de los buenos, ibaddeknaka

REGARDING SERVING GOD THROUGH CHURCH
· Action brings results
· Serving God is love and personal and spiritual commitment
· Grow in faith: it is love and gift
· We are all unique; has something to contribute
· Everyday is a gift; use it wisely; Thanks God !
· Humbleness in spirit and deeds
· Individual Christian has a ministry and value
· Good leader must listen, flexible and loving
· Smiles bring the beauty of the universe
· Balance makes a person well rounded
· What you sow is what you reap
· Courtesy, respect, understanding
· Success must inspire us to do more;
as education is a learning process in our daily life
· What inspired me most to work and grow with God is my evergrowing faith in a simple way.
· What rewards should we get from God is everything He provides us in our everyday life.

AGMULATAYO TI SALUYOT NADAM-EG A DAGA KEN PAMPANUNOT

Bin-i Met Dagiti Iti Bukodda a Kaibatogan ken Panawen

Daniw ni Amado I. Yoro

Ala, kabsat, dika agressat a mangidulin
Kadagitoy bukbukel ti isip
Dagitoy a panawen ti riribuk
Ken kappia

Agidulintayo ta isuda ti bin-i
Dagiti tarumpingay wenno rebolusion
Ti panagbalbaliw

Agmulatayo,
Itukit latta dagiti babasssit
A bukel ti saluyot iti man
Arubayan –
iruartayo dagiti naisarusar
A balikas ti kultura
Mangilasintayo kadagiti bin-i ti panaglupos
Tapno dayta a kannawidan
Mailasinda iti kinaasino
[namanta ketdi nga aginakbay
ti paraangan ken kosina
bang-i nakairuman a bugguong-Iloko ken
sadiwa ti sayamusom Sukog ni Saluyot]

Tamdaganda man ti kosinam
Ken sarusarmo kukuamto
Latta ti immulam
Nupay agparangto latta
Met ti lemma wenno tugot
Dagiti nagmulaam a muyong
Iti sabali a kinelleng
Sika latta sudi ti Amianan.


11/7/07
11/3/08
12/16/11