Adtoy ti Ayamuom iti rawis ti bullalayaw
Amado I. Yoro
Ewa, Hawaii, USA
Indengam ti angin
ti maipalais a kansion
dagiti agbukar a sabong
allingagem ti karayan
ti agusna ti pakasaritaan
ti nakayanakan
denggem, wen, denggem
ti tudo: surnadanna ti lagip
ti nadaeg a pakasaritaan
iti arubayan ti dadapilan
kitaem ti bullalayaw
ti maris ti kappia
ti anges ti namnama
a mangibukra ti agsapa
dagiti arapaap ti biag
tenglem ala, tenglem
ti anges
kebbakebba ti darikmat
adtoy ti ayamuom
ti sabong
iti rawis ti bullalayaw
Subscribe to:
Post Comments (Atom)
No comments:
Post a Comment