INTAYON MAKIPAGSERBI IDIAY SHELTER PADA A VOLUNTEER

INTAYON MAKIPAGSERBI IDIAY SHELTER, KAPADA A VOLUNTEER

Amado I. Yoro

Maysa a natakneng ken naindaklan a panagserbi a boluntario no makatulongka iti sabali a tao. Panagayat. Panangipaay. Aramid a kinaimbag.

Idiay shelter wenno iti Institute for Human Services [IHS], adda agkuna iti 'thank you', mahalo, God Bless. Adda isem, adda namnama kadakuada tunggal mapan ti grupo, agserbi ken agpamakan.

"What a good feeling and sense of sharing" natandaananmi a kinuna daytoy ni Amelia Casamina Cabatu ta maysa met kadagiti mapmapan iti benneg dagiti babbai. Kasta met ti kinuna ni Maria Etrata a presidente ti Filipino Womens Civic Club.

"Coming here to serve is worthied," kinuna met ni Art Abinsay. Nagbalin a regular volunteer ni Art ket nagangayanna, naawisna dagiti kakabsat ken kayongna a timmipon iti grupo.

Saan a gapu iti Resolusion 001-2010 a naaprobaran idiay Lahaina, Maui, idi kombension ti UFCH, Hulio 2010, ngem gapu met laeng iti espiritu ti panagserbi ken pannangted ti tiempo, talento ken oras, ar-aramiden "Concerned Leaders in Action Group", in partnership iti United Filipino Council of Hawaii, Oahu Filipino Community Council, Divine Word College of Laoag College Alumni Assn of Hawaii, Ilocos Surian Assn of Hawaii, Ilocos Norte College of Arts & Trade Alumni, United Group Home Operators, SCORE, ALWAD, Filipino Womens Civic Club, Filipino Business Womens Assn, Annak Ti Sinait/Sinait Alumni Assn of Hawaii, San Nicolas Teachers Assn of Hawaii, International Filipino Society of Hawaii, Fil-Am Sports USA ti nagtitipon a gunglo Filipino iti salinong ti UFCH ken OFCC ti panagtalinaed nga aktibo ti grupo iti tunggal maudi a Lunes kada bulan, nangrugi pay la kadagiti immun-unan nga aldaw. Ngem iti kinapateg ti proyekto, nagbalin a partnership.

Saankami nga agpangadua, adda met dagiti immun-una idin a gunglo a mangaramid iti serbisio mabalin a dua wenno ad-adu a daras iti maysa a tawen nga ipapanda iti shelter kas paset ti programada. Adda pay dagiti mapan iti naisangayan nga aldaw kas iti kasanguanan wenno kalpasan ti Thanksgiving, Paskua, wenno Baro a Tawen.

Ngem iti Enero 2001, kas pangulo ti Program and Planning and Community Relations Committee, indatagmi iti Annak Ti Sinait Iti Hawaii ken Sinait Alumni Association of Hawaii a maaddaan koma dagitoy a gunglo iti proyekto a kas Feeding the Homeless, Hawaii Food Bank, ken dadduma. Ket kasta met nga indatagmi iti DWCLCAAH, a binuniaganmi iti MISSION DAY SERVICE a sakupenna ti community outreach: Feeding the Homeless, a no dadduma managan iti Feed the 5000 kas sagpaminsan nga aramidenmi iti simbaan a nakaikamenganmi, Adopt a Hwy, Hawaii Food Bank Drive, banag a naanamongan idi Agosto 2009.

Kas Co-Chair ti UFCH Social Action Committee idi 2009, indatagmi iti agpada a hunta ti UFCH/OFCC, nagbalin a partnership ket narugian daytoy a proyekto idi Oktubre 2009 babaen iti pannakiurnosmi iti tinawen nga eskedeul iti Volunteer Coordinator iti Institute for Human Services Ana Iose ken Leigh Smith.

Dua a pasdek wenno lugar [sites] Men ken Women. Adda aganay a 75 a kliente iti yan dagiti babbai idinto a 200-250 iti yan dagiti lallaki. "Dakami man laengen iti Filipino Womens Civic Club ken Filipino Business Women Association ti mangsakup iti yan dagiti babbai" kinuna ni Lynne Gutierrez.

Kadagitoy nga aldaw, malaksid kadagiti orihinal a gunglo kas nadakamat iti pakauna iti ngato, timmipon ti Cabugao Sons & Daughters, St. Paul's Church, Vigan Association of Hawaii, Filipino Coalition for Solidarity

Adda met espesial a partisipasion da Mrs. Hawaii Filipina Jema Geronimo, Miss Hawaii Filipina Celina Macadangdang Hayashi, Miss Teen Hawaii Alyssa Reyes, Miss Hawaii Filipina Margaret Pascual, Miss Oahu Filipina Marnelli Joy Basilio.

Panagyamanmi iti imbag nakem ken tiempo para kadagiti masansanen a tumulong iti tunggal maudi a Lunes iti binulan: Art Abinsay, Marcelo Acopan,Aurea Agas, Eddie Agas, Philip Alcain, Edna Alikpala, Jimmy Alimboyoguen, Nelia Abinsay Alimboyoguen, Melecio Balais, Suzie Berardy, Flordelis Cabuslay, Jimmy Cabuslay, Cleo Bala Casino, Franco Casino, Charlene Cuaresma, Estelita Dela Cruz, Raquel Dizon, Maggie Domingo, Maria Etrata, Bernadette Fajardo, Mimi Gozar, Lynne Gutierrez, Rheanne Gutierrez, Ruben Gutierrez, Jean Jeremiah, Angel Lewis, Cirvalina Longboy, Wilma Abinsay Luangphinith, Esther Pascual, Jesse Pascual, Lucy Pascual, Richard Pascual, Connie Ramirez, Larry Ramirez, Agnes Reyes, Al Sabangan, Rose Sabangan, Cora Salvador, Fe Velasco, Danny Villaruz.

Agtultuloy daytoy a proyekto iti nagan iti panagserbi babaen ti saan nga agsardeng a suport ken tiempo dagiti nainaganan iti ngato. Maawis amin dagiti dadduma a kameng ken lider ti gunglo, kameng ken saan iti UFCH/OFCC.