KALPASAN TI PARADA KEN PIESTA, ANIA MANEN TI SUMARUNO A PASKEN, GRACIA CAMPOS

Kalpasan ti parada ken piesta, ania manen ti sumaruno a pasken gracia campos 05/09/2011 Nalpasen ti maika-19 a tinawen a piesta ken parada nga inangay ti Filipino Community Center nga ipanguluan ni Presidente Toy Arre, Jr., ken timmipon dagiti dadduma a grupo kas iti Hawaiian Airlines, Hawaii Tourism Authority, GMA Pinoy TV, Western Union, City & County of Honolulu, Island Insurance Foundation, Renato & Maria Etrata Foundation, Hawaii Community Foundation, Honolulu Filipino Junior Chamber of Commerce, Congress of Visayan Organization, United Filipino Council of Hawaii, Oahu Filipino Community Council. Dimmanggay met ti adu a grupo Filipino. Kudos kadagiti amin a maseknan a nangiplano, nangiturong, nangidalan ken amin a partisipante ken supporter.

Kas ibataymi iti bukodmi a paliiw ken padas, balligi ti resulta. “Dimngeg ti langit, nakidanggay met ti paniempo” adda nagkuna. Agasem, iti dua nga aldaw sakbayna, adda flood flash warning iti Kauai, Oahu ken sabali a puro. Bumayakabak. Nabengbeng nga ulep. Adda pay kimat ken daranudor ti gurruod. “Impalubos ti Dios ti saan a pannakakondinar ti napateg a pasken”.

Iti nasapa a bigat ti Sabado, kimmaribuson ti agsangpet a tattao ken dagiti naarkosan kotse ken trak iti Fort DeRussy iti Saratoga ken Kalakaua Sts. a naggummongan dagiti makiparada. Adda convertible, bagon, ken dadduma. Hawaiian Airlines, Governor Abercrombie, ti Royal Band ken adu pay iti simmaruno.

Iti linia ti parada, napintas ti sinarunomi a karwahe ti Miss Oahu Filipino a nagluganan ni Miss Oahu Filipina Marnelli Joy Basilio ken dagiti bayabayna. Symbolic, unique ti dekorasion a bunga iti arte ken isip ni Leo Gozar.Adda iti likudan dayta a karwahe da OFCC President Maria Etrata ken Community leader Melga Gedrano.

Iggem da Danny Villaruz [i-Santa] ken Loida Yamamoto [i-Vigan] ti banner ti Ilocos Surian Association of Hawaii nga isu met ti nakiragupanmi iti sanguanan ti karwahe ni Mrs. Ilocos Surian Davelyn Quijano iti Sinait. Iti likudan ti nalabaga convertible Mustang a minaneho ni Gus Concepcion, kimmuyog met da Antonio Ipalari, Johnny Idica ken Angelita Idica a nangiggem iti banner ti Annak Ti Sinait iti Hawaii.

Naawis ti atensionmi iti timek a nangawag ti naganmi iti uneg ti doudle trailer. Ne, da Betty Beltran Peralta ken Gladys Menor. Natingra ti kayat nga iladawan ti KNDI float a nagluganan dagiti sumagmamano a DJ’s ken announcers kas kada Maggie Domingo, kdpy. Nabiag dagiti pinuon a saba, papaya, pinia, nateng ken dagiti bungada a mangibagbaga iti kinapresko, kappuros ken nasalun-at a bungbunga.

Iti bukodmi a panangiladawan, adda napateg a kaipapanan dagiti bunga ti talon. Maysa met ti agrikultura a duri ti ekonomia para iti aginaldaw a biag ti tao.

Iti sabali a panirigan, saan la a dakami ti nakapaliiw. Adda dagiti dimmayengdeng gapu iti agpapatak met a panagkamtud. Adda kano koma dagiti rumbeng a nasaysayud a pannakaipatarayna kas iti koordinasion ken panangited ti naikomit nga aramid ni asino a pulano ken pulana.

Nupay kasta, Ibilangmi a pagsayaatan ti pannakaiparangarang ti pigsa ken determinasion dagiti mangimatmaton. Iti maikasangapulo ket siam tawen itan, adda latta dagiti naregta agkabannuag ken agtutubo a makasursuro a mangimaton iti kastoy nga aramid.

Nabatad dagitoy iti bukodmi a pammaliiw: Pannakaiparangarang ti bukodtayo a kultura ken tradision babaen nagduduma a karwahe ken dagiti dekorasion tunggal maysa. Dagiti nadumaduma a sarpaw [booth] a nagyanan ti nadumaduma a rehion kas iti rehion iti Luzon, Visayas ken Mindanao, a nangawit ti ladawan ken pakasaritaan iti bukodda a rehion. Adda met dagiti makan a nagduduma a luto dagiti vendors.

Dagiti tolda dagiti nadumaduma a negosio ken dadduma. Nastrekmi ti tolda ti Hawaii Filipino Chronicle, ti Community Health booth, the Rail Transit, ti Etrata Foundation nga immabay iti Bayanihan for Japan a nagyananmi iti sumagmamano nga oras nga immatonan ti grupo da dati a House Vice Speaker Michael Y. Magaoay, dati a representante Jun Abinsay, Jean Jeremiah, Danny Villaruz, grupo ti Vigan Association, St. Anthony Knights of Columbus.

Iti entablado, uray iti sagpaminsan a tarakitik ti arbis, naannayas met ti pannakaipagna ti programa babaen ken ni Glen Sagayadoro, maysa kadagiti emcee. Tampok ti programa ti panagkanta dagiti artista iti telibision a naggapu iti Filipinas, ti panagkanta ti Society of Seven, ken ti pannakabunot ti papremio ti Hawaiian Airlines, a six round trip tickets to the Philippines.

Nagyaman ni Darwin Arellano, kameng iti Knights of Rizal ken Honolulu Filipino Junior Chamber of Commerce, ti Overall Coordinator, a kaduana dagiti padana a sumingsingising a lider ti komunidad.

Iti bukod a panangyebkas ni Leo Gozar iti bukodna a panagyaman kadagiti nakipagtrabaho iti pannakaisagana dagiti karwahe ti UFCH ken OFCC. Kastoy:I'd like to thank everyone who helped put together the classiest float in the fiesta parade. The lowly pandesal before it gets to Longs for selling passed thru many hands that planted, processed, prepared, molded, mashed, baked and wrapped all the elements to make it. You are all those hands that produced the NOW float. We can now shift our energies to the next OFCC events- Miss Oahu Filipina Pageant and 2011 Convention hopefully with the same results. With our President Mrs. Etrata, I'd like to thank everyone who came to help. Who said COMMITMENT is a dying art in OFCC.Danny Villaruz, Mario Palma, Jesse Pascual, Edna Alikpala, Aurea Agas, Faye Cudal, Bernadette Fajardo, Larry Ramirez, Alma Caberto, Myrna Daguio, William Cudal and nieces, Eddie Agas, Ben & Carmen Cabreros, Marnelli Joy Basilio, Mimi Gozar, Jhonnie Cabrera, John Garcia

Kastoy nga impeksa ni OFCC President Maria Etrata ti panagyamanna:“I want to thank all of you who came to lend a hand in building our Floats. I really appreciate your cooperation and I sincerely & highly commend you all for a job well done. The Floats were very beautiful and meaningful. The comments I heard from some people in the audience was, "Wow, they are all beautiful, here at Waikiki, we as tourist, should have activities every weekend like this which we do not see in our state!" What a nice comment from an out of town visitors......Congratulations everyone!......”

Kunami met iti bukodmi: Thank you too for the opportunity to serve in a very small way. I too, hoping that the Miss Oahu Filipina Pageant and 2011 OFCC convention will excel and surpass the success the past events with our continued action of support which action is always bring a positive result as teamwork applies.Both the UFCH/OFCC floats stood out very unique, symbolic in simplicity and meaning. I am glad I was part of the preparation, I was glad I was part of the parade behind OFCC floats and in front of Mrs Ilocos Surian Davelyn Quijano’s convertible. Thank you UFCH, OFCC and ISAH, thank you Leo and fellow volunteers for the job well done.

DAGITI SUMARUNO A PASKEN KEN A KUYOGEN TI AKTIBO A KARIBUSO:Mrs. Hawaii Filipina no Mayo 29, ti Miss Oahu Filipina Hunio 4, Hunio 12 ti OFCC convention, Hunio 19 ti Knights of Rizal, Hulio 15, UFCH convention idiay Las Vegas. Hulio 30 Miss Hawaii Filipina a ni Margaret Pascual ti agdama a reyna.Agosto 27 ti President Elpidio Quirino Award ti umuna a proyekto nga esponsoran ti Ilocos Surian Association of Hawaii. Agbiag ti komunidad. Agbiag ti kultura ken ti puli a nagtaudan.