DUA TI PADAYAWAN TI ILOCOS SURIAN ASSN OF HAWAII A PRESIDENT ELPIDIO QUIRINO AWARDEES 2011

Dua ti Padayawan ti Ilocos Surian Association of Hawaii a President Elpidio Quirino Awardees 2011

Amado I. Yoro
Hulio 13, 2011

President Elpidio Quirino Award. Maangay iti Corl Ballroom, Hilton Hawaiian Village Beach Hotel & SPA, Waikiki, Honolulu, Hawaii intono Agosto 27, 2011. Daytoy ti umuna a proyekto ti Ilocos Surian Association of Hawaii [ISAH], a kas suno, wenno sulnit ti maysa a pamataudan ti pondo para iti ISAH Homecoming & Medical Mission

Tallo a daras a nagmision ti ISAH kadagidi Disiembre 2005, 2007, 2009. Napataud dagiti nayon ti pondo a naigatgatang kadagiti naidondonar ken naus-usar nga ag-agas ken medical equipments babaen iti pasalip a Mrs. Ilocos Surian a nairugi idi 2005 a nakapilian a reyna ni Nancy Clemente [Mrs. Luat itan] a tubo ti Cabugao, Ilocos Sur. Simmaruno a nagreyna ni Helena Puesta, 2007, a tubo ti Santa, Ilocos Sur. Ket ni Davelyn Ancheta Quijano, i-Sinait, Ilocos Sur ti napili a Mrs. Ilocos Surian idi 2009.

Dakkel ti kalikagum ken tarigagay ti ISAH a mangkorona koma [manen] iti Mrs, ISAH 2011 tapno agtuloy latta ti proyekto a salip ti mimisis, ngem iti dakkel a maipagarup a rason iti ekonomia iti sapasap. Imbes a pasalip ti inna wenno mimisis, nagangayanna a kinuna ni Danny Villaruz a presidente, Dance with the Mission, wenno Distinguish Award maipaay kadagiti maikari a mapadayawan, aglalo dagiti napinget a nangidadaulo ti nagsasaruno a mission.

Wen. Mabalin, Mayataday unay. Panawenen. Naisingasing a mapanagan no ania daytoy a Distinguish Award, saan a basta Award wenno Pammadayaw lattan. Masapul a mapanagan iti maidaton iti maysa a bannuar, lider wenno mabigbig a tao, aglalo dagiti nagkauna a patanor ken teddek ti Ilocos Sur, iti panawen ti rebolusion, republika wenno commonwealth.

Kas suportado a kameng ti ISAH, indatagmi dagiti nagan a makuna a “Dayaw Ti Ilocos Sur” pakairamanan da Isabelo delos Reyes,[nakipagbangon ti Iglesia Filipina Independiente ken Labor organizer], Leona Florentino, [nadayaw a mannaniw]. Padre Jose Burgos,[maysa a martir a padi a nairaman iti Gomburza], Diego Silang,[lider ti rebolusion], Gabriela Silang,[asawa ni Diego a nangituloy ti panangidaulo ti grupo ti asawana. Maawagan iti Joan of Arc iti Filipinas] Cosme Abaya[padi ken revolutionary chaplain], Elpidio Quirino,[presidente] ken dadduma.

Sinaggaysami nga inikkan ti ababa a pakasaritaan dagitoy a bannuar tapno adda pagbatayan dagiti kameng ti hunta no asino kadagitoy iti maiparbeng unay. Kas maysa kadagiti organizers ken mamagbaga, saanmi a mabalin ti agmosion ken agbotos kadagitoy nga isyu. Akemmi laeng iti mangited ti idea, kapampanunotan ken/wenno balikas a mamagbaga ken mangidalan iti pagimbagan ti gimong.

Babaen ngarud ti mosion ni Maria Etrata, umuna a bise, sinigundaran ni Estrella Pada Taong, maikadua a bise, nagkaykaysaan ti hunta direktiba a ti maipanagan iti daytoy a pammigbig ket President Elpidio Quirino Award.

Ni ERQ ti umuna nga Ilokano a nangpresidente ti Filipinas.
Nayanak iti Vigan ngem dimmakkel iti Caoayan. Abogado. Maestro. Mabigbig. Mararaem.

Wikipedia, reperensia [optional]
Elpidio Rivera Quirino (November 16, 1890 – February 29, 1956) was a Filipino politician, and the sixth President of the Philippines.

A lawyer by profession, Quirino entered politics when he became a representative of Ilocos Sur from 1919 to 1925. He was then elected as senator from 1925-1931. In 1934, he became a member of the Philippine independence commission that was sent to Washington, D.C., which secured the passage of Tydings-McDuffie Act to American Congress. In 1935, he was also elected to become member of the convention that will write the draft of then 1935 constitution for the newly-established Commonwealth. At the new government, he served as secretary of the interior and finance under Quezon's cabinet.

After the war, Quirino was elected vice-president in 1946 election, consequently the second and last for the Commonwealth and first for the third republic. After the death of the incumbent president Manuel Roxas in 1948, he succeeded the presidency. In what was claimed to be a dishonest and fraudulent[1] 1949 presidential election, he won the president's office under Liberal Party ticket, defeating Nacionalista vie and former president José P. Laurel as well as fellow Liberalista and former Senate President José Avelino.

The Quirino administration was generally challenged by the Hukbalahaps, who ransacked towns and barrios.[1] Quirino ran for president again in the 1953 presidential election, but was defeated by Nacionalista Ramon Magsaysay.

Elpidio Quirino was a native of Caoayan, Ilocos Sur although born in Vigan, Ilocos Sur to Don Mariano Quirino of Caoayan, Ilocos Sur and Doña Gregoria Mendoza Rivera of Agoo, La Union. Quirino spent his early years in Aringay, La Union.

He studied and graduated his elementary education to his native Caoayan, where he became a barrio teacher. He received secondary education at Vigan High School, then went to Manila where he worked as junior computer in the Bureau of Lands and as property clerk in the Manila police department. He graduated from Manila High School in 1911 and also passed the civil service examination, first-grade.

Quirino attended the University of the Philippines. In 1915, he earned his law degree from the university's College of Law, and was admitted to the bar later that year. He was engaged in the private practice of law.




Imbitado ti publiko ken dagiti nadumaduma a kameng ti gobierno, munisipio, estado, gunglo. Imbitado pay ti gobernador ti probinsia ti Ilocos Sur, ken mayor ti Cabugao ken Vigan City.

Patien ti ISAH nga adu ti gagayyem, kakabagian, kabaddungalan dagiti dua a respetado nga awardee da Dr. Charlie Yadao Sonido, anak ti Sinait-Cabugao, nasuroken a tawen nga agsansanay a doktor ti medisina, isu ti kapingetan a mangidadaulo ti ISAH mission. Lider iti komunidad kangrunaan tit ay-ak ti medisina. Nagpresidente iti Philippine Medical Association of Hawaii. Publisher ti Hawaii Filipino Chronicle, ti aglinawas a warnakan.

Dati a representante iti Hawaii State Legislature District 29 ni Felipe Palma Abinsay, Jr. iti aganay a sangapulo a tawen. Aktibo iti lehislatura. Nagpaay a pangulo ti House Agriculture Committee.

Isu ti nangidaulo ti pannakabukel ti Filipino Centennial Celebration Commission [Act 159] a nakairanudan ti pannakadutok dagiti sangapulo ket lima a komisionado a Filipino babaen ken ni Gobernador Benjamin Cayetano. Dagitoy a komisionado ti nangplano, nangiwayat ken nangipatungpal ti pannakaselebrar ti maikasangagasut a tawen a panagsangpet dagiti immuna a sangapulo ket lima [15] nga Ilokano, bin-ig a lallaki, a kaaduanna kadakuada ti naggappu iti Candon, a rekruta a sakada ti HSPA, a naglugan iti SS Doric a simmanglad iti Puerto ti Honolulu idi Disiembre 20, 1906, ken naitarusda iti Ola’a Sugar Plantation idiay Big Island.

Pasado a presidente ti OFCC, nagbise presidente ti UFCH, pondador ti Vigan Association of Hawaii. Tubo ti Cabaroan Daya, Vigan City.

Maangay ti programa iti Hilton Hawaii Village Beach Resort Hotel & SPA babaen ti pangrabii intono Agosto 27, 2011.

Da Danny Villaruz, Maria Etrata, Amado Yoro, Al Sabangan, Rose Sabangan, Davelyn Quijano, Loida Yamamoto, Art Abinsay ken dagiti opisial ti Steering and Coordinating Committee ken dagiti presidente ti tunggal unit organizations a kameng ti ISAH.

Agpannuray iti komunidad ti balligi daytoy a pasken. Agbalinto a tinawen a proyekto ti ISAH.