MAIKAPAT A HOMECOMING KEN MEDICAL MISSION TI ILOCOS SURIAN NAKASAGANA MANEN KAS ITI SILULUKAT A TAKIAG
Amado I. Yoro
Tapno maipatungpal ti maysa kadagiti kangrunaan a proyekto ti Ilocos Surian Association of Hawaii [ISAH], nagnunummuan manen ti kameng ti hunta direktiba ti pannakaplano ken pannakaisagana daytoy ILOCOS SURIAN ASSOCIATION OF HAWAII MEDICAL MISSION intono Disiembre 17- 22 para iti Ilocos kalpasan nga aggapu ti grupo ni Dr. Charlie Sonido idiay Davao.
Agarup wenno sumurok a tallopulo dagiti dodoktor ken volunteers nga idauluan da Danny Villaruz, presidente ti ISAH, ken Dr. Charlie Sonido, pangulo ti mission iti agdadanggay a mangipaay ti libre a serbisioda para kadagiti natudingan nga ili iti Ilocos Sur pakairamanan ti Sinait, Cabugao, Santiago ken Santa.
Iti Sabado, Disiembre 17, agtitipon amin a partisipante ken volunteers iti Makati tapno annongenda ti Payatas Medical Mission. Kalpasanna, ikkan ida ni Consul General Leoncio Cardenas ti pannakasangaili ken pangrabii sakbay nga agpa-Ilocos ti grupo babaen iti BUS
Manamnama a sumangpet ti grupo iti Candon City, Ilocos Sur, iti agsapa ti Domingo, Disiembre 18 ket agtarusda iti Eric Singson's Hotel dita a siudad.
Kabigatanna, Lunes iti Disiembre 19, angayenda ti Medical Mission iti Santiago, Ilocos Sur nga ili ni Mrs. Emi Etrata a presidente ti Santiaginians of Hawaii.
Martes, Disiembre 20 ti naisangrat nga aldaw iti ili a Sinait. Ni Antonio Ipalari ti presidente ti Annak Ti Sinait iti Hawaii ti maysanto kadagiti partisipante itoy a mission.
Iti Vigan Hotel ti naisangrat a pagyanan dagiti kameng ti mission. Ket iti Disiembre 21, Mierkoles a maangay ti mission iti Cabugao nga ili dagiti Sonido, Sabangan. Maangay ditoy nga ili ti aglatlatak nga Ilocos Sur Idol a pakipartisiparan dagiti kumakanta iti probinsia a naglasat iti screening.
Kabigatanna iti Huebes, Disiembre 22, maangay ti mission iti Santa, Ilocos Sur nga ili da Villaruz, Roger Ojerio a presidente ti Santanians of Hawaii.
====0000====
Maangay ti Taste of Kalihi intono Nobiembre 19 iti Honolulu, Hawaii, kas naammuan ken ni Eddie Agas, Sr., pangulo ti ATOK.
Daytoy ti maikalima a tawen a maangay kas proyekto ti Filipino Chamber of Commerce of Hawaii Foundation a pakidanggayan ti siudad.
Danggayan ti sibubukel a komunidad ti Kalihi ken kaparangetna kadagiti nadumaduma a makamakan, Entertainment, Exhibitions, Games, Rides, Kalihi Business and Vendor Booths, Social Services, ken dadduma.
Ti “A Taste of Kalihi Festival” ket isu ti selebrasion a mangitampok ti nabaknang nga estoria ken kinabaknang a pakasaritaan ti distrito. Ti Kalihi ti maawagan iti “Filipino town” gapu a ditoy met ti taeng iti kaaduan a pamilia Filipino.
Ni Eddie Agas ti chairman daytoy a pasken ket maawagan iti 783-3327 idinto a da Allan Alvarez at (808) 392-8230 or Brandon Dela Cruz at (808) 389-0517 ti media contact.
Delete ReplyReply ForwardSpamMovePrint Actions NextPrevious
Subscribe to:
Post Comments (Atom)
No comments:
Post a Comment