THANKSGIVINGS DAY THURSDAY NOVEMBER 24, 2011

Happy Thanksgivings today Thursday November 24, 2011.
I opted not to go to church due to my special and priority project at home. I have to fix my leaning fence made of hollow tiles six inches leaning towards to city road.

Dandani makabulanen a kurkurobak iti agsumbangir ti alad tapno mapalukayko ti konrekto a semento. Masapul a palintegek ti takder ti alad. Masapul nga ikkak ti dadakkel a bloke a pagtugawan ti alad tapno saan nga agpababa. Ikkak ti reinforcementna kas iti dadakkel a barut. Ikkak ti pormasna tapno saan nga agsiwarak ti ikabilkonto a semento.

Kayatko a malpaskon aginggana iti agtapos ti Nobiembre 2011.

Adu dagiti kayatko nga aramiden iti paraangan iti iti mismo a balay.
Kayatko a parutapan ti atep tapno sumayaat ti buyana.

Immay idi naminsan nga aldaw ni Ronnie a kaanakak ket imbagana a kabaelanna a rutapan dagiti atep ket tulongakto metten.

Naileppasko metten nga inikkat ti dakkel a pinuoon ti alukon. Inin-inutak idi a pukanen babaen ti dakkel a buneng. Ngem nalagipko ni Ronnie ta isu ti adda chain sawna. Apagbiit nga agpayso, rinugusrugosna ti dakdakkel ngem bagi a kayo ti alukon. Isu pay ketdin ti nagibelleng.

Agisagsagana da Lei, ti balasangko, ken ni Jun, ti manugangko, kadagiti itunoda nga steak ken karne ti manok a pagthanksgivingmi. Adda latta met a makisagsagipi ni CJ Boy, ti uppat ti tawenna nga apokok a lalaki. Sarita a sarita.

Awan pay ni Gloria a napan idiay simbaan. Sa bagay, nakaluto metten.

Agyamanak iti parabur ni Apo Dios.

Salun-at
Taraon
Taeng
Ragsak
Kappia
Talna
Talinaay ti panunot
Gagayyem
Gundaway nga agserbi iti komunidad ken iti simbaan

Pamilia
Kakabsat

Ti nakaparsuaan:
Kayo
Kabakiran
Taaw
Danuwm
Angin
Dagiti adu a nabiag iti langit
ken iti tangatang
dagiti tumaytayab

dagiti nabiag iti danum
lames
ken dadduma pay
iti aglawlaw
ken iti uneg ti taeng

Thank you
Thank you
Thank you