Enero 23, 2013 Mierkoles

Enero 23, 2013 Mierkoles. =====Nasapa nga agsapa ti Mierkoles. Awan ti napigds a sinnungbat dagiti agassawwa iti dakkel a balay iti kaaruba. Nasayaat siguro ti turogna, nakunami ken ni misis.=======Dandaniw amin a nasapa nga agsapa, bir-it a bir-it ti babai========nairuamkamin ti kastoy a pasamak=======nasapaak a nagpagna ita a bigat...ugalikon ti magna kas paset ti ensayo ti bagik=======dua wenno tallo a milia ti pagnaek=======Dimmagasak ti kapek iti 7-11 store=========agawidakon itay ngem naisagodak iti yan ni Georging=======kaduak idi iti taltalon iti kaunasan======pensionado metten a kas kaniak ta inauna iti makatawen ngem siak======pinadagasnak iti arubayan ti balayna=====napankami iti likudan ta adu dagiti patubona, kas iti marunggay, tarong, paria, kamatis, sili=======yawidmo daytoy Amado ta imulamto iti paraangam, biagem dagita ket mabalinton ti pinakbet, kinunana idi yawatna ti napatubona a paria, tarong, sili ken kabatiti======kamatis pay ngarud, a, inyangawko. mangalaka ti marunggay no kayatmo, maymayat ti napatubo a bukel ti marunggay ngem ti sanga nga imulam, madin dagiti nalakayan a marunggay---maymayat no mapatubo========ket dakkel met pay gayam ti namnamam nga agbiag iti mapaut no bukel pay nga imulam ket namnamaem a mauraymo-----inkatawak..========mangyegakto diay balaymo ti bukel ti paria, tarong, kamatis=======nakitak dagiti bunga ti pakalatkatna a paria, kasla agatiddog a bunga ti kabatiti========adu ti bunga ti tsikona, kas iti arubayak, adu met ti masetasda==========nga aggastar iti danum a pagsibog=========adu pay ti pusada========adu pay ti masetasda a bird of paradise ken tay sangkasaoda a money tree====