MARYLOU NATIVIDAD TI MAKORONAAN A MRS. ILOCOS SURIAN ASSN OF HAWAII 2013

Marylou Natividad ti nangabak a Mrs Ilocos Surian 2013 02/25/2013 Honolulu, Hawaii==========Naipakdaar kalpasan ti panagbibilang ti naurnos a donasioon a kuarta, advertisement, tunggal kandidata a da Evangeline Burcena, Santa; Venus Mangrubang, Sinait ken Marylou Natividad, Vigan, a naangay idi rabii ti Domingo Pebrero 24, 2013 idiay Philippine Consulate. Ni Marylou Natividad ti nakagun-od ti kina-Mrs. Ilocos Surian 2013 ta isu ti kaaduan iti naurnos a kuarta, mabalangatanto intono Marso 9, idiay Waikiki Hilton Beach Hotel, kadua ni Marylou da Venus, umuna a prinsesa; ken Evangeline Burcena, maikadua a prinsesa. Ania man a naurnos a donasion ket agpaay a nayon ti pondo ti Ilocos Surian Homecoming and Medical Mission iti Disiembre 2013, iti kada dua a tawen nga idauluan da Danny Villaruz, presidente, ken da Dr. Charlie Sonido, Dr. Elizabeth Abinsay, dati a Representante Jun Abinsay ken dadduma a dodoktor ken volunteers. Manamnama a masangaili ti Ilocos Surian intono Marso 9 da Gobernador Neil Abercrombie, Consul General Julius Torres ken dadduma pay a dadaulo ti gobierno ken komunidad. Da Davelyn Quijano ti Event Chair a kaduaen ni Loida Yamamoto ken dagiti amin nga opisiales ti ISAH ti tunggal unit organizations. $65.00 ti donasion itoy a dinner fundraiser ken programa ti koronasion.