Nasarakak Manen Ti Pusok Iti Mata Ti Kappia

NASARAKAK MANEN TI PUSOK ITI MATA TI KAPPIA AMADO I. YORO October 31, 2007 Kantaak ti agsapa a kakuyog dagiti Agpalangit a sallapingaw Ti pul-oy, yegna ti iliw uray dagiti segga A saan a mapakadaan: kinaganus wenno Kinaagtutubo, agsublida =========================== Ti tudo, pinadam-egna ti kinelleng Tapno mulaak iti bukel, ti bin-i Dagiti kamalig ken sarusar iti kinapudno Ti arbis, kuldingenna ti lagip Ti naikupin koman a ladawan Ti uggot nga agang-anges Kas iti uggot ti panagdakkel ============================= [Ti pagaw, bimmanesbes Nagumok manen iti sanga Ti alukon Napessaan idin a piekna Ti suli ti abong] ============================== Nasarakak manen ti pusok Iti mata ti kappia Ti ayat Iti sakroy ti daan a balay adda isasangpet dagiti binatog kalanglangko ida iti dulang ni ayat Maputarko manen daytoy a kanta-daniw