MAYSA A PANANGLAGIP TI PANAWEN TI PANAGSUBLI

Maysa a Pananglagip iti Panawen ti Panagsubli Amado I. Yoro Agsapa ti Biernes, Nobiembre 9. Nagpa-ilikami iti ilimi a Sinait a kaduak da kasinsin Letty, ken kaduak a naggapu iti Hawaii, Lucia ken Isagani, kabagianmi ditoy Tapao, Sinait.================== Nagkapekami nga immuna iti Sinait Bakery sa kalpasanna, nagpa-Laoagkami babaen iti bus. Makitak manen ti Laoag. Naminsan a pasetnak idi 1966-1970 kas estudiante iti DWCL.=============================== Iti siudad, adun ti nagbaliwanna iti kaudian a panagbakasionko idi Mayo 1997 a panangkuyogko ti Mrs. Sinait Alumni Assn of Hawaii, ken isu met ti panagpaayko a General Coordinator iti Sinait Alumni Homecoming a Golden Jubilee Celebration ti Sinait National High School a nagturposak idi 1966. Dayta a tawen 1966 ti panagpaayko a Batallion Adjutant iti PMT [CAT itan] ========================================== Dayta met la a homecoming 1997 ti nangted kaniak ti gundaway a nangipangato ti bandera sakbay a narugian ti programa a kinaduak ni Maestro Eliazer Lived, faculty staff, dayta met ti nakapiliak a Media Publicity Awardee nga inted ti Sinait Municipal nga ipanguluan ni Mayor George Cabacungan.======================================== Ita nga isasarungkar, [nagbaetan ti Oktubre 24-Nobiembre 20, 2012] manipud iti estasion ti Bus, naglugankami iti traysikel a nangitunda kadakami iti Laoag Public Market. Dakkelen ti nagbaliwanna no idiligko iti aganayen a kaurenta y dos a tawen kabayatan nga kaaddak iti kolehio ti DWCL. Nakaad-adun ti tagilako iti tiendaan. Adda pay laeng dagiti kalesaan a kas met iti umad-adun a tricycle operators.======================================= Iti linia dagiti kalesaan, napaliiwmi: adda kabalio a mangudkudakod, arigla maitublak ken agbarukingking. Piman nga ayup, ngem ala, anus, adu ti matulongam: pamilia ken pasahero.============================ Iti merkado publiko, adda metten panagdaldalus kas ipakita dagiti karatula a kastoy a naisurat a pakdaar: “Sibogam isbom; awan ti agbasura. Agbasuraka no kayatmo agmulta”=================================== Babaen ti awis ni Mrs. Rita Milagros A. Sagadraca, Principal iti Caribquib National High School, Banna, Ilocos Norte, pinasiarmi ti Division office ti DepEd. Nagkitakami [manen] ken ni Jurlita Ulep Basuel, sigud nga am-ammok kas kinagraduarak iti Divine Word College of Laoag, padak a nangileppas iti BSE-English idinto a History kaniak. Nangaton ti puestona iti dibision kas Supervisor. Nasangsangailik metten iti Hawaii no kasdiay a bumisita a no diak mariro ket dua wenno ad-adun a daras. Nasayaat a pagayam. ====================================== Sakbay a nagpaBannakami[Espiritu] babaen ti awis met la ni Mila, nangaldawenmi iti restauran iti asideg daydi dati a St. William College. Asideg pay ti Laoag Tower a masansan a malabsanmi no mapan ken agawidkami iti kaserami iti Kalye Bagumbayan – lauden ti kapitilio idi tawen 1966-1970 a kaaddami iti DWCL. =================================== Adda lagip iti panagbakasionmi. Naglupos ti siudad. Iladawanna ti rang-ay ken dur-as ti probinsia. ================================ Sarao a jeepney a pangpasahero ti nakilennetletanmi iti nasurok a duapulo a pasahero. Iti uneg ti lugan, napaliiwmi isidawsidaw met nga agpakunnot ti suso ti ina iti ubingna. ala wen, natural, ubing: karruam ti agkunnot. natural, biagem ti anak. Nalabsanmi ti luganmi ti Sarrat [Sanggat ken Sarr-ah]-ili ti nalatak a pamilia Marcos, Farolan, Balmaceda, Ver, Quevedo ken dadduma pay; ti Dingras[Ding-Ras] nga ili ti Escoda, kdpy. ================================= “Tabtabagan ditoy, Manong,” kinuna ni Mila. Nagdissaagkami. Immallatiwkami iti dua a traysikel. Simrek ti luganmi a traysikel iti sitio Daramuangan kas ipakita ti natayag ken nabuldag nga arka iti ikid ti sementado a kalsada. Nadanonmi ti Paraiso ti Caribquib. Ditoy gayam ti yan ti maysa kadagiti Skyliners iti Ilocos. Kinuna ti caretaker, adda met kastoy nga skyliners iti Ilocos Sur. Ditoy Caribquib, saanmi a pinalabas ti gundawaymi nga aglugan iti skyliner. Dua a linia ti mabalin a pagluganan ngem ti 150 meters imbes a ti 300 meters. Immuna a limmugan ni Isagani, simmaruno ni Lucia, siak ti naudi. Naipasurot ti kable iti baet ti nangato a bantay….bangkirig ti agsumbangir, batbato iti baba.========================= Sakbay a pinalubosannakami ni Mila nga agsubli iti Sinait, inyawis ni Mila a sumrekkam iti eskuela nga imatonanna. Inummongna dagiti faculty members iti Caribquib National High School, inyam-ammonakami. Adda merienda nga insaganada. Naragsak ken napasig dagiti mimistra itoy a pagadalan. Maysa met a lagip ken gundaway iti makasarungkar iti sabali a lugar, ken iti panagsubli a sigud a paset ti pannakatubay ti biag iti napalabas ken agdama. #