NABARA NGA AWIS ITI ILOCOS SURIAN ASSOCIATION OF HAWAII
Yawis kadakayo ti Ilocos Surian Association of Hawaii (ISAH) iti 1st Ilocos Surian Association of Hawaii's President Elpidio Quirino Award and Gala Night a maangay iti Hilton Hawaiian Village Beach Resort & SPA Waikiki, Honolulu, Hawaii, intono Agosto 27, 2011 alas siete aginggana iti alas onse ti rabii 7pm-11pm.
Kas maysa a fundraising para iti Ilocos Surian homecoming Medical Mission, mapadayawanto ditoy a pasken dagiti dua a mabigbig a kamengna da
Charlie Yadao Sonido, MD, maysa a doctor iti Hawaii nga agserserbi iti komunidad iti nasuroken a tallopulo a tawen a panagsanayna iti tay-ak ti medisina ken ni
Felipe Palma Abinsay, Jr., dati a representante iti Lehislatura iti Hawaii ken aktibo a lider ti komunidad gapu iti pannakagun-odda iti mapagtuladan nga aramidda iti komunidad, iti tay-ak a pagsiribanda ken iti serbisio a makaipaay iti pagsayaatan ti umili iti Hawaii ken iti probinsia iti Ilocos Sur
Para iti ad-adu nga impormasion, awagan da Maria Etrata, 392-2962 Amado Yoro 699-9814 ken ni Danny Villaruz 778-0233
Subscribe to:
Post Comments (Atom)
No comments:
Post a Comment