BARO NGA OPISIAL TI ILOCOS SURIAN ASSN OF HAWAII, NAPILI

Nailayon ni Danny Villaruz a presidente TI ILOCOS SURIAN ASSOCIATION OF HAWAII 2012-2014


Amado I. Yoro

Nailayon manen ni Danny Villaruz a presidente ti Ilocos Surian Association of Hawaii [ISAH] iti eleksion idi Pebrero 7, 2012 a naangay iti Susannah Wesley Community Center.

Kameng ti eleksion committee: Al Sabangan, Rose Sabangan, Art Abinsay, Antonio Ipalari, Amado Yoro, Jun Abinsay

Adda iti natalged nga ima ken liderato ti ISAH babaen ken ni Danny Villaruz a nagpaay nga interino idi Nobiembre 2001 sa opisial a nagsapata idi Pebrero 22, 2002, ket adun dagiti napateg a proyekto a naigannuat. Maysa ti ISAH kadagiti kaaktibuan a gunglo iti Hawaii ken kameng iti OFCC/UFCH. Tema ti ISAH: Working Together to Rebuild our Communities Here and Our Homeland”

Aktibo ni Villaruz iti komunidad ket nagpresidente iti OFCC, agdama a pangulo ti OFCC Past President Council, agdama a Senior Auditor iti Hawaii State Department of Taxation. co-organizer and co-coordinator of the ISAH Medical and Homecoming Mission, ama ti dua propesional, tubo ti Rancho, Santa, Ilocos Sur, nayasawa ken ni Emmie Villaruz.

Kaudian ken kangrunaan manen a proyekto ti ISAH ti President Elpidio Quirino Award a narugian idi Agosto 2011 tapno mabigbig ken mapadayawan dagiti naballigi nga annak ti probinsia nga agnaeden ditoy Hawaii gapu kadagiti mabigbig a gapuanan ken kontribusionda iti gimong iti may tay-ak ti medisina, gobierno, politika, edukasion, arte, literature ken dadduma a pagsiriban.

Kadua ni Villaruz a nabotosan da Maria Etrata, umuna a bise; Estrella Pada Taong, maikadua a bise; Loida Alimboyoguen Yamamoto, recording secretary; Davelyn Ancheta Quijano, Corresponding secretary; Rose Sabangan, tesorera; Tessie Aganon, katulongan a tesorera; Lynne Gutierrez, auditor; Alice Castaneda, katulongan nga auditor; Bernadette Fajardo. Antonio Ipalari, PRO

Sarhento de armas da: Art Abinsay, Gus Concepcion, Cesar Fajardo, Al Sabangan, Paul Taong

Mamagbaga da: Felipe P. Abinsay, Jr., Ben Cabreros, Romy Cachola, Pio Enrico, Louie Funtanilla, Ted Saribay, Charlie Y. Sonido, MD, Carlito Soria, Ignacio Torres, MD, Amado I. Yoro

Buklen ti ISAH dagiti agdama a kameng ti ili kas iti
1. Annak ti Sinait Iti Hawaii [Antonio Ipalari]
2. Sinait National High School Alumni Association of Hawaii [Davelyn Quijano]
3. Cabugao Sons & Daughters Association of Hawaii [Mercedes Sonico]
4. San Juan Lapog Assn of Hawaii [Alice Castaneda]
5. Magsingal Assn of Hawaii [Basilio Tolentino]
6. Vigan Association of Hawaii {Tessie Aganon]
7. Santanians of Hawaii [Pio Enrico]
8. Santiagenians of Hawaii [Emi Etrata]
9. Candonians of Hawaii [Dr. Ignacio Torres]
10. Annak Ti Caoayan 2002 [Jenny Quezon]
11. Narvacaneos of Hawaii [Louie Funtanilla] ken
12. Sta. Marians of Hawaii [Iluminada Directo]

Maangayto ti panagsapata dagitoy opisiales a kagiddan Mrs ISAH ken ti President Elpidio Quirino Award intono Agosto 10, 2012 Hale Koa Hotel, Waikiki