NAKASAGANAN TI KOMBENSION TI OFCC, HUNIO 9 DOMINGO

POSTING HUNIO 4, 2013 MARTES=======Nakasaganan ti Kombension ti OFCC Intono Hunio 9 Amado I. Yoro Ni Dr. Erlinda Cachola ti napusgan nga agsarita iti tinawen a kombension ti OFCC a maangay iti Philippine Consulate General Social Hall, intono Hunio 9. Prominente ken mabigbig a lider ti komunidad. ===== Graduado iti medisina iti University of the East and Ramon Magsaysay Memorial Medical Center ken nabayagen a practicing doctor of Internal medicine iti Honolulu. ==== Natenneb iti padas a kas master dagiti toastmasters ken public speaking. ===== Binigbig ti Filipino Chamber of Commerce kas Entrepreneur of the Year, maysa kadagiti immun-una a Filipino a bingibig ken pinadayawan ti American Institute in Public Service ken Honolulu Advertiser a kas Thomas Jefferson Awardee gapu ta maysa kadagiti mabigbig a Top Outstanding Volunteers of the Year iti panagserbina iti komunidad.======= Ti TJA ti kangatuan a pammadayaw nga ited ti AIPS ken Honolulu Advertiser. Sakupen ti saritaen ni Cachola iti===== Commitment. Action. Responsibility for Excellence kas tema ti kombension. =====Ti panangiturong ken panangitungpal kadagiti proyekto ti maysa a gunglo. ========================= Manglukat ti kombension iti alas siete y media a panagrehistro dagiti delegado. Luktanto ni Jean Jeremiah, OFCC president, kumablaaw ni Jake Manegdeg a pangulo ti kombension. Agreport ti presidente, tesorera ken dagiti nadumaduma a komite. Agsaritanto ti pannakabagi ti AARP.====== Maangayto ti eleksion dagiti baro nga opisial ti OFCC.============== =====0000====== Iti sabali a bangir, ni ERIKA ORDONEZ, NABALANGATAN A BARO A MISS OAHU FILIPINA 2013-2014. Sakbay nga inawat ken inawitna ti korona, inabakna dagiti lima a kategoria a Miss Popularity, Best in Terno, Best in Interview, Best in Talent, Best in Speech. Kasta ti resulta ti Miss Oahu Filipina Scholarship Pageant a naangay idi rabii ti Sabado Hunio 1, idiay Ala Moana Hotel. 1st runner up - Kassandra Bongolan; 2nd runner up - Cherylene Reyes, Miss Congeniality - Cherylene Reyes, Miss Photogenic - Cherylene Reyes.Da Larry ken Jennifer Ordonez ti nagannak ken ni Erika. Tubo ti San Esteban, Ilocos Sur ni Larry Ordonez, radio personality ken nagtv producer iti Perlas USA ken Filipino Fiesta. Agpada a negosiante da Larry ken Jennifer Ordonez. Agnaedda iti Mililani Hawaii.===================== Ni Armi Oliver Farinas, dati a Mrs. Hawaii Filipina ken presidente ti Magsingal Association of Hawaii, ti chairperson daytoy a pabuya. Inaramidko amin a kabaelak tapno agballigi daytoy a proyekto, kinunana. Agyaman unay kadagiti esponsors ken dagiti sibubukel a kameng ti komite. Agyaman met ni Jean Jeremiah, presidente ti Oahu Filipino Community Council iti sibubukel a komunidad iti suportada itoy a programa ti OFCC.=====