INTAYON MAKITINNAKUNAYNAY KEN MAKIRAGUP KADAGITOY A PASKEN, KAILIAN

KUMARIBUSO A BIAG NI FILIPINO ITI BUKODNA A KOMUNIDAD Dagiti Pasken a Pasungaden ni Kailian iti Hawaii Amado I. Yoro================================= Kaaduan a pasken ket maangay iti buko ti lawas kas iti Biernes, Sabado ken Domnigo. Ngem no dadduma, uray ania man kaadagiti aldaw ti lawas ket madakamat payen. Kasta, Kaili, ti biagtayon ditoy Hawaii. Kanigid-kanawan, di payen ammo no sadino ti unaen wenno ipamaysa a papanan.======================================= Mayo 16, 2013 ti nailatang a Golf Tournament iti Kapolei Golf Course. Da Eddie Agas, Sr. ken Jun Abinsay ti mangiturong itoy a fundraising. Proyekto ti OFCC daytoy a pamataudan iti pundo para kadagiti estudiante a maikari a maikkan iti makuna nga scholarship.================================== Mayo 19, 2013 ti maur-urnos met a pannaka-Adopt a Park a proyekto met laeng iti OFCC. Ammotayon nga addan dagiti dadduma a proyekto iti kastoy umasping a community service kas iti Adopt a Hwy, Feeding the Homeless, Hawaii Food Bank ken dadduma pay, ngem itoy a tawen iti liderato ni Jean Jeremiah, adda maited a gunggona [grant] iti pannakaadaptar ti Neal Blaisdell Park , Pearl City. Daytoy a park ti maysa kadagiti paborito dagiti agpipiknik, agmimiting, agpunsion ken dadduma pay a panagtitipon. Umuna ken kangrunaan a rason, adda iti sentro, asideg ti daladal ti lugan aglalo ti Bus System, asideg pay dagiti paggatangan.============================== Hunio 1, 2013 maangay met ti Miss Oahu Filipina Scholarship Pageant iti Ala Moana Hotel. Ni Armi Oliver Farinas, dati a Mrs. Hawaii Filipina ken agdama a presidente ti Magsingal Association of Hawaii ti mangiturong itoy a proyekto.================================== Hunio 9, 2013 ti pannakaangay ti OFCC kombension iti Philippine Consulate General Social Hall. Mangrugi ti rehistrasion dagiti delegado iti alas otso aginggana iti alas dies ti bigat. Mangrugi ti opisial a pannakalukat ti kombension. Agreportto dagiti nadumaduma nga opisial ken pangulo ti komite. Maangay ti eleksion kalpasan ti pangngaldaw nga agsarita dagiti madutokan nga agsarita.============================== Agdama nga opisial ti OFCC da Jean Jeremiah, presidente, Dr. Ariel Agcaoili, umuna a bise; Atty. Rhoda Alvarez, maikadua a bise; Dr. Julius Soria, sekretario; Loida Yamamoto, kadua a sekretaria; Vanessa Pulido, tesorera; Rose Aquino, kadua a tesorera; Cleo Bala, auditor.================================= Direktor: Baybee Hufana Ablan, Eddie Bueno, Amelia Cabatu, Maggie Domingo, Edith Gudoy, Rossi Patton, Davelyn Quijano, Dr. Ignacio Torres.================================= Maangay met ti kombension ti UFCH intono Agosto 2,3,4 idiay Kauai.========================= Agosto 31, 2013 ti panangselebrar ti Vigan Association of Hawaii & Associates ti maikatallopulo nga anibersario ti pannakabungayna idi 1983. Maangay ti selebrasion iti Ala Moana Hotel. Ni Tessie Aganon ti agdama a presidente ti Vigan Association of Hawaii & Associates- Ni Jun Abinsay ti founding president.