Enero 28, 2013 Lunes Personal Journal- umay ti kamaudianan iti ania man nga oras no ti Apo Dios ti mapaturay

Enero 28, 2013 Lunes Personal Journal============Napigsa ti tudo idi rabii. Nadadael ti sapawsapaw ti paginnawan ni Sita iti likud ti balay========saan a nabaelan ti sapaw ti dagsen ti danum nga inurnong ti tolda nga inkabilko=========Innikkatko dagiti natukkol a tubo, kayo ken barandilias=======Napan ni kasimpungalan idiay tiendaan------ nangisangpet ti nalapsat a rangaw ti kamote=======insagpawna iti linutona a bangus a ginatangna idiay simbaan idi kalman ta nagfundraising dagiti opisiales ti simbaan=====Dimo unay kaaduen ti mangan ti inapuy, masansan nga ipalagipna kaniak========nateng ken lames kano ti nasayaat a taraon dagiti kas kenka = kas kenka====Tenkyu====ngem gasanggasat lattan ti panagbiag======uray kasano ti annad=====ayabannaka latta ni apo Dios ti orasmon========ti ket makunak: agkinnapautta lattan iti adu a KAASINA===========itay la lawasna a naggiddan a naitabon da ikitko ken angkelko=========kinnapaut ti agbiag ditoy daga========agyamanta lattan iti dakkel a kaasi ni Apo Dios==========yamenenta lattan dagiti swanguenta iti lamisaan======ti inumenta a danum, ti kiraosenta a bagas, ti angsentayo nga angin=======amin iti aglawlawta=======dagiti ti adu a parabur ni Apo Dios=========Saantan nga agubing pay========saan met a nasken nga agpinnapilittan ti kayat a mapasamak=========nabayagtan a kastoy------inaldaw, inoras, nabayagen ti nasaurok nga 40 yearsta=======nasken kadi nga agbinnugkawta, nga agsinnikiarta, ita pay ta agpadatan nga dandani agarukong===nga umagep iti daga===a kumpetta kadagiti tumengta tapno tumakder ken magnata==========dandani payen saanta a mabagkat dagitoy aw-awirta nga appokom: da CJ ken Lia=====ania pay la ti pagpungtotam kaniak no dadduma saanka a maawatan kadagiti itantanabutob, diak ammo no dagita ket kayatmo nga aramidek======wenno paset metten iti panagtaengta==========agawaam ketdi ti aginana no kasdiay nga adda wayam====no awan ti wayam, mangtedka ti wayam iti bagim==========agaramidka iti pakairanudan ti sabali========kasla kaniak intono madamdama, mapanak manen iti shelter a kaduak dagiti aganay a 19 a padak a volunteers======tunggal maudi a lunes ti bulan========aganay a 250 dagiti maserbianmi iti shelter======nagbalinen daytoy a proyekto kas paset ti panagserbik iti simbaan,....ken iti komunidad=======daytoy ti mangted kaniak ti kinaaktibo, ganaygay, liwliwa ken kasla pannakapnekko nga agbiag============ne, agaurayka ta mapanko pay sukonen ni CJ boy dita eskuela=======naulep pay met ngarud====amangan o idissona manen ti tudo a saaanna a naibukbok amin idi rabii=====flood flash pay laeng aginggana iti alas sais ti malem==========naimas ti digo ti bangus=======nasagpawan ti green pepper, sibuyas ken pias, adda pay kamatisna=========Nakaturogen ni Lia, ti agtawen ti maysa========pinakan met itay ni kasimpungalan=======insganaak itay ti binotelia a gatas, naipaanem-em=========wen, kasimpungalan, ituloyta lattan ti agserbi iti nakaikarianta a simbaan ti Dios ===========agpadata met nga opisial==========nupay napapautkan a kameng ditoy =====ala wen, ket ti panagserbi=====ti makunak======boluntario amin----a sisusurot ti puso, kararua ken nakem ken pagayatan========awan ti pinnilitan iti panagserbi iti man simbaan ken iti komunidad========pinilik a maysa ti feeding the homeless ken adopt the hwy ken ti hawaiii foodbank ti maysa kadagiti aktibidad nga ipamaysak nga aramiden=====kaasi ni Apo Dios=====adda metten dagiti mapasurotko kadagitoy nga aramid==========umayda latta met nga awan duadua ken awan ti mapalilpilit=======isuda pay ketdi ti umawag====nga agoluntario nga umay met makidanggay=========saanko a kukua daytoy a mision, ngem isu ti pinilik, inted ni Apo Dios idi sapataan ken awatek ti kompirmasionko a kas Member Minister iti 10 nga aldaw a leadership training, workshop ken seminar nga inatendarak babaen ken ni Fr Randy, Fr, Vergara, ken Fr, Wayne Schwab iti Member Mission Ministry Network - a naangay idiay Sta Barbara, California Oktubre 2008==============nasurokkami a 40 a nangibagi ti nadumaduma a pagilian, kas iti India, Africa, Filipinas, Canada ken kaaduanna iti USA - siak la ti naggapu iti Hawaii kadayta a panagsanay======= iti panagserbi kas misionario ti Dios ket iti ania man nga oras, ania man nga aldaw====saan ketdi a kas gagangay ta ammo ti tao ket iti laeng aldaw ti DOMINGO==========Laymen ti kategoriami, sabali dagiti naordenan kas clergy category==========Ne, orasnan nga agrubuatakon========18 dagiti nagkompirma nga umayda ita a malem iti shelter======4 wenno 5 dagiti agdadamo, sakbay a rugianmi ti aramidmi iti shelter, ikkakto dagitoy a barbaro iti ababa nga orientation====adda ngamin pagalagadan a suroten iti kosina iti panagarwat, panagiplato ken panagisagana iti makan: =======Idi kalman, Enero 27, inreportko met it OFCC Board ti accomplishment ti Special Project Committee nga inted ti president ti Konseho nga idauluak=====saanak a daulo kunak met-----makitrabahoak kadagiti padak a boluntario=====Idi Sabado, Enero 26, isu ti Adopt a Hwy clean up ket 15 kami amin=======Wen, kasimpungalan, padasenta ti agbiag a kasla ita la nga aldaw ti para kenka, ken para kaniak===========agserbita, agaramidta iti pagimbagan saan la a para kenka, a para kaniak======ti namnamenta ketdi: ti sabali nga agsapa kalpasan ti rabii a pannaturog, ammomon-ammokon, adda imparabur Ti Dios kadata iti sabali nga agsapa a panagriing=======amen====