SALUDO KADAGITI LIDER A BABBAI ITI AKEM KEN BILEG ITI IMADA

Ditoy Hawaii: Saludo Kadagiti Lider a Babbai Iti Akem ken Bileg Kadagiti Imada Amado I. Yoro Dua a balikas ti pamunganayantayo a saritaen itoy a artikulo maipapan kadagiti kakabsat a babbai iti kagimongan.======= Akem [role] ken bileg [power and authority]. Saantayo nga umadayo iti Oahu Filipino Community Council [OFCC] iti agdama a liderato. Kadagiti 16 nga opisial ken direktor, 9 dagitoy a babbai: Jean Jeremiah, presidente; Angie Santiago, umuna a bise; Baybee Hufana Ablan, maikadua a bise; Loida Yamamoto, sekretaria; Eleanor Bru, katulongan a sekretaria; Luz Peirson, tesorera; Armi Farinas, auditor; Lydia Agustin, Rossi Patton, direktor.========= Mabalin a babai manen ti sumaruno a presidente ti OFCC iti masungad a kombension intono Hunio 14, 2014.======= Idi antes tiempo wenno panawen, saan unay a maik-ikkan dagiti babbai ti gundaway iti dakkel nga akem wenno puesto kas iti pangulo wenno presidente. Asawa, ina ken agtagibalay idi ti kaibatoganda. ======== = Iti gimong, maikkanda iti akem a sekretaria, administrative assistant wenno katulongan. Ngem addan women’s liberation. Timpuar metten ti makuna a ‘panawen dagiti babbai’.======== Kadagitoyen nga aldaw, saantayon a makideman ti kinapudno a mabalindan ti mangidaulo iti man trabaho, dagiti korporasion, gobierno, komunidad ken kagimongan. Maysa a dayaw, pagrebbengan ken panangitandudo iti kategoria ken kabaelan a mangidaulo iti ania man a tay-ak iti pagsiriban. ============ Iti kapauten ti OFCC nga aganay a 55 a tawen, ni Justo Dela Cruz ti immuna a presidente [1959], ngem kadagiti aganayen a 42 a nagpresidente, 9 a babbai ti nagbalin a presidentena kas kada Matilda Molina, [1978-1979], Maggie Domingo, [1990], Marlene Manzano,[1992-1994], Edith Pascua, [1999-2001], Jenny Quezon,[2003-2004], Lynne Gutierrez,[2005-2007], Cirvalina Longboy,[2008-2009] Maria Etrata. [2010-2012] Jean Jeremiah [2012-2014] iti bukodda nga estilo ken wagas a mangidaulo. Addaanda met ti bukod a wagas a panangrisut ti problema ken panangmantenir ti gunglo iti bukodda a panangidalan. Adda negatibo ken positibo a resulta; adda makatungpal, adda met pakadillawan no dadduma.========== [Malagip met a tallon a babbai ti nagpresidente ti UFCH: Maggie Domingo, Lynne Gutierrez, Jenny Quezon- ket mabalin a babai manen ti sumaruno]============== Iti agdama a listaan ti OFCC, adda dagiti unit organization members nga idauluan ti babbai: 1. Pacita Saludes, Annak Ti Kailokuan Iti America, 2. Jenny Quezon, Annac Ti Caoayan 2002, 3. Veronica Esteban, Cabugao Sons & Daughters Association of Hawaii, 4. Maria Etrata, Filipino Business Women Association, 5. Luanne Long, Filipino Nurses Organization of Hawaii, 6. Bernadette Fajardo, Filipino Women’s Civic Club, 7. Letty Saban, Hawaii Filipino Women’s Club, 8. Armi Farinas, Magsingal Association of Hawaii, 9. Dorie Villafuerte, Pasuquinio Assocaiation of Hawaii, 10. Maggie Domingo, Philippine Cultural Foundation, Inc., 11. Tina Salvador, Philippine Nurses Association of Hawaii, 12. Maryrose Borromeo, Rimat ti Burgos Association of Hawaii, 13. Alice Castaneda, San Juan-Lapog Associaiton of Hawaii, 14. Heidi Luarca, San Nicolas Teachers Association of Hawaii, 15. Amy Ungos, San Nicolas Goodwill Foundation, Inc [Damilian], 16. Davelyn Quijano, Sinait National High School Alumni Associaiton of Hawaii, 17. Erlinda Sanchez, The Filipino Hotel Workers Organization, 18. Maria Etrata, The Primary Care Providers of Hawaii, 19. Marilyn Villar, Tri Star Line Group, 20. Esther Pascual, United Group Home Operators, 21. Merelle Gonzales, United Laoagueneos of Hawaii; 22. Tessie Aganon, Vigan Association of Hawaii & Associates. [Adda panagsukat ti presidente tunggal tawen gapu iti baro nga eleksion kas maibatay iti Constitutionda] ========== Kadagitoy a gunglo, adda bukodda a goals and objectives maibatay kadagiti bukodda a pagalagadan.========== Mainaig itoy, saludo ken lugay para kadagiti dadduma pay a babbai a mangipangulo kadagiti bukodda nga organisasion, mabalin a kamengda wenno saan iti OFCC.========= Gladys Menor, Calayab Association of Hawaii, Maria White, Santaguenians of Hawaii, Leticia Dalit, Santa Marians of Hawaii, Baybee Hufana Ablan, Universtiy of the East Alumni Association – Hawaii Chapter, kdpy.======== Kadagitoy a babbai a lider, kaaduanna wenno isuda amin ket naglasatda kadagiti nadumaduma a pagsaadan iti sakup ti gungloda. Nadumaduma a pagrebbengan kas pangulo ti komite, wenno kameng iti komite a nakasubokanda nga immuna tapno adda met pamuonanda nga agserbi ken mangidaulo.============ Saan a barengbareng ti agserbi ken mangipangulo iti ania man a gunglo. Naited dayta a pagrebbengan a kakuyog iti panagtalek, kinapudno, integridad ken panangipatungpal kadagiti maiwayat a proyekto a pagimbagan ti kaaduan, saan a para iti bukod a bagi. ######