MAIKA-51 NGA ANIBERSARIO TI CABUGAO SONS & DAUGHTERS ASSN OF HAWAII

May 2, 2014 Maika-51 nga anibersario ti cabugao Sons & Daughters Association of Hawaii, 1963 Amado I. Yoro May 2, 2014 ==================== Mayo 2, sardam ti Biernes. Simrekak iti Empress Restaurant, Honolulu, Hawaii. Re-Affirmation ita dagiti opisial Cabugao Sons & Daughters Association of Hawaii.[CSDAH] Inyawatko ti tiket ken pagbayadko. Iti lamisaan numero onse ti nangiturongan kaniak ni Emelyn Damo, sekretaria ken maysa kadagiti manglamisaan iti sango a pagawatan ti sangaili. ================== Nadanonko da Leo Tomas, Josie Banasan, dagiti a bolrom danser; Fely Wayfield, maysa kadagiti disc jockey iti maysa kadagiti estasion ti radio Filipino iti siudad ken ni kasimpungalanna, dimmanon da Carlota Ader, commissioner iti Tax Review Commission iti siudad, Baybee Ablan, Mito Ablan, agpada a community leader, ken Jesse Pascual, community volunteer awardee. ============================== Kaabay ti numero dies a nagpuestuan da Jean Jeremiah, presidente ti OFCC, Jun Abinsay, Alex Vergara, Jenny Quezon, Armi Farinas, Edgar Dulig, Cora Salvador, Tessie Aganon, Loida Yamamoto, Dr. Julius Soria. Saan a maibaga no lamisaan ti OFCC wenno Vigan wenno Santanians wenno Magsingal wenno Cagayan. Naragsakda. Ni Alex ti mangilibaslibas kadagiti sinobre a pakasaritaan ti biagna kas paset ti pangampaniana. Agtaray para presidente ti OFCC iti umay a kombension- eleksion intono Hunio 14. Adda kasangona, padana nga aktibo iti komunidad. =================================== Akemko kas Co-Chair ti OFCC convention ken nomination and election, ipudpudosan ken guyguyugoyenmi dagiti ‘mabalin’ a nominee kadagiti puesto elektibo. Nakasaritamin da Alex ken Angie, agpada nga agkalikagum a presidente. Imbagamin kadakuada dagiti namnamaenmi a programa a maituloy a silpo ti nasayaat a dua nga administrasion ni Jean Jeremiah. Naallangon ti OFCC kabayatan ti dua a tawen. ======================================== Itoy a programa ti CSDAH, kas ninamnama iti kabaelan dagiti dua nga emcee, naurnos ti panangiturong dagiti agassawa a Jennifer ken Larry Ordonez, agpada a beterano iti radio ken telebision. ================================ Nakanta ti dua a nailian a himno sa kimmablaaw ni bise presidente Benjamin Somera. =================== Naiparang dagiti entertainer a nangparambak ti programa ================= Nakanta ti Naragsak ti Biagmi Nga Agdamdamili, Pamulinawen, Annay Pusok, Annay, La Jota ken adu pay. =================== Hula ti imparang ni Miss Hawaii Filipina Erika Ordonez. ================= CSDAH Dance Troupe, Pedronan Dance Group, kdpy. ================= Dagiti sangaili mairaman da State Senator Wil Espero kandidato para US Congress, Vice Speaker John Mizuno ken Mrs. May Mizuno, Rep Romy Cachola, dati a representante Jun Abinsay, Ben Cabreros Candidate Rosebella Martinez ================ Saan met a maaw-awan a tumabuno uray pasadodan da OFCC Past President Ilalo Parayno, Amado Yoro, Maggie Domingo, Jun Abinsay, Ben Cabreros, Jenny Quezon, Danny Villaruz. ====================== Nagasat sa ketdi ti aldawmi ita. Nabunot ti numerok a 202, ne, maysa a polo shirt !. Nakipanganak la ngaruden, binaduandak pay Cabugao. ============ Ni Community volunteer Al Sabangan ti nangyam-ammo ken ni Rep. John Mizuno nagpaay a guest speaker ken installing officer. =============== Iti imatang dagiti aganay a 300 a sangaili, sinaksianda ti panagsapata ken pannakaingato ti kanawan nga ima a nagkari ken nagsapata: Veronica Esteban, presidente; Benjamin Somera, umuna a bise; Espirita Sumibcay, maikadua a bise; Emelyn Damo, sekretaria, Analiza Mateo, katulongan a sekretaria; Corazon Serdenia, tesorera, Myrna Peralta, katulongan a tesorera. Myrna Saniatan, auditor; Roman Saupan, katulongan nga auditor. =============== Kameng ti hunta direktiba: Mercedes Sonico, German Cabasug, Adrelina Cachola, Cora Baclig-Cedo, Emiliana Rolluda, Ernesto Garcia, Desy Ipalari, Ilalo Parayno, Arman Sandi, Israel Savellano, Jovencio Sumibcay, Roger Sumibcay, Dely Vallejo. =========== Mamagbaga: Alan Cabasug, Daniel Carbonel, Rose Sabangan, Al Sabangan, Ted Saribay, Dr. Charlie Y. Sonido, Felino Tubera. ============= Legal adviser: Atty. C. Hackbart =================== Nabigbig ken napadayawan a Famous Son of Cabugao Sons & Daughters ni Felino Tubera, kolumnista iti Hawaii Filipino Chronicle nga imatonan dagiti agassawa a Dr. Charlie ken Chona Sonido. ============= Imbasa ni Rev. Joe Lazo ti dakkel Certificate of Recognition ket nagtitinnulongan nga impresenta dagiti lilider a pakairamanan da Romy Cachola, Wil Espero, John Mizuno, =================== Naikaglis ti dila ni Apo Lazo iti panagkunana iti standing position imbes nga standing ovation maipaay ken ni Tubera. ======== Ellek ken katawa ngem inalangon a dagus ni Larry Ordonez, whatever you say Tata Joe, you are forgiven. ========= Nagyaman unay ni Veronica Esteban iti suporta ti komunidad. Ni Esteban ti maysa kadagiti Mrs. Hawaii Filipina a paggapuan ti pondo para iti scholarship a programa ti UFCH. ========== Maysa ti CSDAH kadagiti aktibo a gunglo iti salinong ti OFCC ken Ilocos Surian Association of Hawaii. ===================== Mannakitinnulongda iti nadumaduma a proyekto iti komunidad pakairamanan ti Ilocos Surian, OFCC, UFCH, dagiti nadumaduma a faundraising events para iti scholarship, typhoon victims, Filipino Fiesta, kdpy.###