Monday, December 1, 2014
Malmesak a Manglipat
Malmesak a manglipat
11/29/2008
MALMESAK A MANGLIPAT
Ta no gamdek a gupden
Ti lagip malmesak met
A manglipat
Agsublisubli dagiti
Ipapanaw, ket adda
Sam-it-saem
Dagiti umel a komunikasion
Igpilda sangit-sennaay
Ken sudi-daeg ti kalman
Ammuem a silalagipak
Ammokon ti pategko
Kenka a kas met kaniak
Saan gayam a tubeng
Ti kaasideg-kaadayom
Dagiti lagip-iliw
Agsubliak ken pumanawak
Kasapulanka gayam.
Bannawag Oktubre 3, 1994, panid 46.
Subscribe to:
Post Comments (Atom)
No comments:
Post a Comment