Maysa a daniw iti maysa a panawen

Maysa a daniw iti maysa a panawen 03/31/2006 Ti daga a nalabaga Rekka ti paraiso Dagiti tapok a magmagna Ti saan a mangipirpirit a Panawen. Agir-iri ti trumpeta; agir-irig ti pumupuyot uray la nga agdennes ti 'cheek-to-cheek' Entablado a nakurtinaan Ket aggargarikgik Dagiti pareha iti salon Dagiti maibasing nga anniniwan Iti rinibu a maris Ti lang-ay. (matnag manen ti dapo ti sigarilio; makabartek ti ingel ti anghel ti makadungdungsa a lamisaan dagiti maitangguap nga arak a natibnokan rebba, ay, matnag manen ti murkat iti parpar a sarming; nagmusiig ti isem ittip ti darikmat adda met dagiti saan a materred a sulisog dagiti agkaradap iti rabii) agliplippias ti panaggastar ngem tikag man ti barukong uray siping man la koma a daton kadagiti biktima ti uram ti layus ti dawel ti nakaparsuaan kiddit kadi ti ayat iti labes kinabaknang ti mawagwag iti entablado dagiti agbuya ne, ta nagtawataw man ita ti sirmata iti ipus ti sibilisasion (ubbana ti tapingaran) sabalin ti panagpakada luktam ti puso ti siglo, umay ti panagriing ken panaglupos iti nabuniagan a sibilisasion! sent to Ban 1/4/2105