TAPAO SARINDANIW as written during my visit Oct 24,-Nov 21, @012

Tapao Sarindaniw Sarindaniw para iti lugarko a Tapao [during my visit on Oct 24-Nov 21, 2012] Ditoy ti kalapawmi iti lugar a nakayanakak Tapao, Sinait, Ilocos Sur. Itoy a lugar ti nagubingak naisigudak iti witiwit ti arado, ken agluganak iti palpal naisigudak iti dadapilan ken anawang iti panagluto ti bennal nga agbalin a basi wenno tagapulot ditoyak a nagbarito pinanawak daytoy a lugar idi nalpasko ti haiskul nagtawatawak iti Manila: tambunting, binondo nagturogak iti tugpatugpa a galpa ken karkartoon kunada a barongbarong nagsidaak iti turkias a tarong ken itlog tallo a pisos ti maysa nga aldaw ti sukat ti ling-etko iti agmalem nga agkabkab iti tanem iti Chinese Cemetery tallo a kadsaaran ti kangatuan a panteon dagiti babaknang ti aramidenmi a panteon======== -----ditoyko met la a lugar ti nasangpetak itay Oktubre/nobiembre 2012 a nagbakasaionak kalpasan ti nasurok a 41 a tawen nga awanak ketdi: uppaten a daras a sinarungkarak daytoy: Dis 1972/Pebrero 1973 Naisurotak iti banglo ken lasbang ni Maria Lina a Mutya ti Gumil Hawaii Hunio 1982 Ginuyodnak ti maudi nga anges ni Tatangko iti Enero 1996, huhuhu Inkuyogko ti 100+ nga alumni iti Grand Homecoming Reunion Mayo 1997 Daytoy ti kalapaw iti Tapao, saan a naglupos, saan a nagkir-in iti nagtakderanna dagiti adu a damsak ti tudo, bagyo wenno kalgaw saan man la a naggalba ngem nagtalinaed atepna a pan-aw awanen dagiti dadakkel a mangga ken natayag nga alukon nagbitinan di indayon ken dadidagi ni ridep naimas met iti naimnas a tarikatik ti arbis wenno tudo nga agdisso =============== daytoy ti pirgis ti lugarko: paset laeng ti iparangkapko Naguneg ti Tapao, mabalin a siak ;a ti makaammo ken dagiti pudno nga agindeg ken bumario daytoy a kalapaw, saan a nasken nga iladawanna ti sibubukel a lugarko: toy kalapaw ket mabalin a gudua ektaria ngata toy naretrato================ ngem uray aniaman daytoy a kalapaw anaknak latta ti Tapao iti kinatakneng ken dayaw ditoyak a a nagubing, nagbarito, ditoy a nainaw, nabukel dagiti ar-arapaapko ti masakbayan, ditoy kaniak inna insuro sumangpetak man ken saan: ditoy ti puon ti ramutko.