Abril 30, 2014 Mierkoles ------5.5 miles walk today

Abril 30, 2014 Mierkoles======Adda latta oras no ilatang dayta nga oras no adda kayat nga aramiden. Ita nga agsapa, kas inaldaw nga aramidtayo ken paset ti ensayo ti bagi, inrugitayo manen ti pagna manipud iti balay ket ala, pagna, pagna,regular a pagna nga awan sardengna aginggana a nakadanontayo manen iti Waipahu. Madama latta ti arikusa dagiti trabahador a mangisagsagana iti dalan ti riles ti tren nga iti naminsan a balubal ti basingkawel ti politika ket dakkel nga isyu: maituloy kadi no saan? ===========Nupay kasano ti panangsupiat ti maysa a kampo dagiti saan a pabor, tallo a korte a limmasat ti kaso, tallo met a hues ti nangikeddeng a maituloy ti riles ti tren. ======Trapiko ita ti kalaban dagiti motorista gapu iti aldaw ken rabii a konstraksion. ======================== Adda oras no mangilatangka iti oras. Depende kenka no ania ti priorodadmo. No ania ti kangrunaan a kayatmo nga ikkan ti panawen. No ania ti kayatmo nga ikkan ti kangrunaan nga importansia. Ti importansia a sarsaritaentayo ditoy ket iti kaano a kasapulan nga ileepas ti proyekto. Kaano ti pannakasapulna a maileppas gapu iti nakairantaanna. Tay pagsasao no dadduma, ania pay ti serbi ti ruot no natayen ti kabalio. =================Panangilklik ken panaglisi laeng no ibagatayo nga awan ti orasmo. Adda amin kenka ti oras. Sika ti mangiturong ti oras a surotem- managan daytoy iti TIME MANAGEMENT. Ilatangmo ti oras. Adda oras ti pannangan, adda oras ti pannaturog, adda oras ti panaginana. Adda met makuna a Social responsibility ti tao: makilangen, makipulapol, makisinnukat ti pampanunot, panawen iti panagadal ken panagdawat ti bendision ni Apo Dios.===================== Sika ti mangiturong ti biagmo. Adda surotem nga ipatungpal tunggal aldaw nga aggarawka.=================Things to do----listaan dagiti kayatmo nga aramiden ita nga aldaw.========